ავტორი:

ქეითს პაკისტანში იგივე სამოსი აცვია, რაც წლების წინ ისლამაბადში დაიანას ეცვა

ქეითს პაკისტანში იგივე სამოსი აცვია, რაც წლების წინ ისლამაბადში დაიანას ეცვა

ქეით მიდლტონი და პრინცი უილიამი პაკისტანში ვიზიტის ფარგლებში დღეს ქვეყნის ჩრდილოეთ ნაწილში გაემგზავრნენ. კემბრიჯის ჰერცოგსა და ჰერცოგინიას, გუშინდელის მსგავსად, კვლავ ტრადიციული პაკისტანური სამოსი აცვიათ, ქეით მიდლტონის თავსაბურავი და შემოსაცმელი კი ზუსტად ისეთია, რომლითაც წლების წინ პაკისტანში ვიზიტისას პრინცესა დაიანა გამოჩნდა.

უილიამი ცოლთან ერთად პაკისტანში იმ მარშრუტით მოძრაობს, რომლითაც 1991 წელს მისმა დედამ იმოგზაურა.

წყვილი არაჩვეულებრივად შერჩეული სამოსით ყურადღების ცენტრში გუშინაც მოექცა- ისლამაბადში, მუზეუმში გამართულ ღონისძიებაზე ქეითი და უილიამი ფერადი რიქშათი მივიდნენ. ჰერცოგინიას ულამაზესი კაბა ეცვა, რომელიც ჯენი პეკჰემმა შექმნა, უილიამის ტრადიციული პაკისტანური კოსტიუმის დიზაინერი კი კარაჩელი ნაუშემიანია.

VIDEO : როგორ გამოიყურებოდნენ პაკისტანში ჩასული სამეფო ოჯახის წევრები

ხუთდღიანი ვიზიტის მიზანია, ორ ქვეყანას შორის კავშირი კიდევ უფრო განმტკიცდეს. დიდი ბრიტანეთი ბრექსიტის მოახლოებასთან ერთად საერთაშორისო ურთიერთობების გაუმჯობესებას ცდილობს, პაკისტანს კი იმედი აქვს, რომ ქვეყნის ტურისტული პოტენციალის წარმოჩენას შეძლებს.

სამეფო ოჯახის წარმომადგენლების უსაფრთხოებას, ქვეყანაში მოგზაურობის დროს, ათასზე მეტი პოლიციელი დაიცავს.

39 გვამი სატვირთო მანქანაში - ბრიტანეთის პოლიცია ცდილობს გარდაცვლილების ვინაობა დაადგინოს

პრინცს და ეპშტეინს ორგია 9 არასრულწლოვან გოგონასთან ერთად ჰქონდათ - სამეფო ოჯახში სკანდალი გრძელდება

ჰარი ადასტურებს, რომ ძმასთან უთანხმოება აქვს - "თუმცა, მე ის ძალიან მიყვარს..."