ტრაგედია რუსეთში - სულ მცირე 15 ადამიანი გარდაიცვალა, მაღაროელების ქოხები წყალმა წაიღო

ციმბირში კაშხლის ჩამონგრევის შედეგად სულ მცირე 15 ადამიანი გარდაიცვალა, დაკარგულად მიიჩნეოდა 13 ადამიანი, თუმცა „რია ნოვოსტის“ ინფორმაციით, მათგან შვიდი ცოცხალი იპოვეს.

კაშხალი,რომელიც კრასნოიარსკის ოლქში მდინარე სეიბაზე მდებარეობს, გადაუღებელი წვიმის შემდეგ ჩამოინგრა, დატბორილია მაღაროელების სახლები. ჯანდაცვის მინისტრის ინფორმაციით, 14 მაღაროელი საავადმყოფოშია გადაყვანილი, მათგან სამი მძიმედ არის დაშავებული.

მომხდართან დაკავშირებით დაწყებულია გამოძიება, სამართალდამცველები დაინტერესდნენ, აკმაყოფილებდა თუ არა კაშხალი უსაფრთხოების ნორმებს. მიზეზების გამოძიება სამართალდამცველებს პირადად ქვეყნის პრეზიდენტმა, ვლადიმერ პუტინმა დაავალა.

„ინტერფაქსის“ ინფორმაციით, პატარა ქოხები, სადაც მაღაროელები ცხოვრობდნენ, წყალმა წაიღო.

ინციდენტის ადგილთან ახლოს ოქროს მაღარო მდებარეობს.