ავტორი:

სოფო კილაძეზე ქმარი ფსიქოლოგიურად ძალადობდა -  დეპუტატის მეუღლის მიმართ შემაკავებელი ორდერი გასცეს

სოფო კილაძეზე ქმარი ფსიქოლოგიურად ძალადობდა -  დეპუტატის მეუღლის მიმართ შემაკავებელი ორდერი გასცეს

პარლამენტის ადამიანის უფლებათა დაცვის კომიტეტის თავმჯდომარე სოფო კილაძე ადასტურებს, რომ ყოფილი მეუღლის მხრიდან ფსიქოლოგიური ძალადობის მსხვერპლი გახდა.

კილაძე ადასტურებს იმასაც, რომ მის ყოფილ მეუღლეს პოლიციამ შემაკავებელი ორდერი გამოუწერა, თუმცა ფიზიკურ ძალადობას უარყოფს.

„დიახ, მე შემიძლია დაგიდასტუროთ, რომ ვიყავი ფსიქოლოგიური ძალადობის მსხვერპლი და მე ვარ რეალურად მაგალითი იმისა, რომ ნებისმიერი ადამიანი, მათ შორის, უფლებადამცველი, მათ შორის, პარლამენტის წევრი შეიძლება აღმოჩნდეს მსგავს სიტუაციაში. თუმცა, ამავდროულად, მოვუფრთხილდები ჩემი გარშემომყოფი ადამიანების ემოციურ მდგომარეობას, მათ ჯანმრთელობის მდგომარეობას, ასევე ჩემ არასრუწლოვან შვილს, მის საუკეთესო ინტერესს და აქედან გამომდინარე, შემიძლია ვთქვა, რომ მეტ დეტალურ ინფორმაციას ვერ მოგაწვდით.

ფიზიკურ ძალადობას არ ვადასტურებ შემაკავებელ ორდერთან მიმართებაში. არ ვიცი, ეს ინფორმაცია საიდან მოიტანეს. თუ წაკითხული აქვთ შემაკავებელი ორდერი, ნახავენ, რომ იქ მხოლოდ ფსიქოლოგიურ ძალადობაზეა საუბარი. დიახ, საუბარია ყოფილ მეუღლეზე“, - განაცხადა „კურიერთან“ საუბრისას სოფო კილაძემ.

ამასთან, ადამიანის უფლებათა დაცვის კომიტეტის თავმჯდომარემ ჟურნალისტებთან საუბარში განმარტა, რომ აღნიშნულ თემაზე კომენტარის გაკეთება „ერთი ადამიანის უღირსი პოსტის“ გამო გადაწყვიტა, რომელშიც ცრუ ინფორმაციებზე იყო საუბარი.

„ერთადერთი მიზეზი, რისთვისაც გავაკეთე კომენტარი, იყო ერთი ადამიანის ძალიან უღირსი პოსტი, სადაც სიცრუე გავრცელდა და იმის გამო, რომ ამას არ მოჰყოლოდა კიდევ ცალკე სპეკულაციები, გავაკეთე კომენტარი. ძალიან გთხოვთ, უმორჩილესად, ჩემი ახლობელი ადამიანების ემოციური და ჯანმრთელობის მდგომარეობის გამო, დავასრულოთ ამ თემაზე საუბარი," - მიმართა კილაძემ ჟურნალისტებს.

387-კვებითი და 844-ალკოჰოლური ინტოქსიკაცია - საახალწლო დღებში ქვეყანაში 1254 გამოძახება დაფიქსირდა

ქუთაისში, სავარაუდოდ, ბუნებრივი აირის გაჟონვის შედეგად, 21 წლის გოგო გარდაიცვალა

მკვლელობა წნორში - ახალგაზრდა მამაკაცმა დეიდა მოკლა