კინოთეატრ „ამირანში", სადაც ფილმის „და ჩვენ ვიცეკვეთ" მორიგი ჩვენება გაიმართება, მოქალაქეები ფილმის სანახავად უკვე შედიან

კინოთეატრ „ამირანში", სადაც ფილმის „და ჩვენ ვიცეკვეთ" მორიგი სეანსი გაიმართება, მოქალაქეები ფილმის სანახავად უკვე შედიან.

ადგილზე უსაფრთხოების მიზნით პოლიციაა მობილიზებული. ისინი პოლიციის მეთვალყურეობით შედიან შენობაში.

ფილმის „და ჩვენ ვიცეკვეთ" სეანსი 19:30 საათზეა დაგეგმილი.

შეგახსენებთ, რომ ქართულ-შვედური ფილმის - „და ჩვენ ვიცეკვეთ" ჩვენება საქართველოს კინოთეატრებში გუშინ გაიმართა.

ბიზნესმენი ლევან ვასაძე და მისი თანამოაზრეები, „ქართული მარშის“ წევრები და მხარდამჭერები ფილმის კინოთეატრებში ჩვენებას ეწინააღმდეგებოდნენ და პრემიერის ჩაშლას გეგმავდნენ, რასაც დაპირისპირება რამდეჯერმე მოჰყვა.

8 ნოემბერს, თბილისისა და ბათუმის კინოთეატრებთან გამართულ აქციებზე სულ 28 პირი დააკავეს. სისხლის სამართლის დანაშაულისთვის დაკავებულია 1 პირი, ადმინისტრაციული სამართალდარღვევისთვის კი 27 პირი. ინციდენტების დროს დაშავდა ორი სამართალდამცველი, რომლებსაც საავადმყოფოში შესაბამისი მკურნალობა ჩაუტარდათ.