"გაბედეს" წევრებმა მამუკა მდინარაძეს მაჟორიტარულ ბიუროსთან 41 ვერცხლი მიუტანეს

მოძრაობა "გაბედეს" წევრები პარლამენტის ვიცე-სპიკერის, მამუკა მდინარაძის მაჟორიტარულ ბიუროსთან მივიდნენ და მას 41 ვერცხლი მიუტანეს.

აქციის მონაწილეებს ადგილზე „ქართული ოცნების“ აქტივისტები დახვდნენ, რის გამოც „გაბედეს“ წევრებსა და მათ შორის სიტყვიერ და ფიზიკურ დაპირისპირებას ჰქონდა ადგილი.

მამუკა მდინარაძის ბიუროსთან მობილიზებულნი არიან სამართალდამცავები.

როგორც “გაბედეს“ წევრმა, მამუკა ჯუღელმა „ინტერპრესნიუსს“ განუცხადა, „პოლიცია არ ჩაერია დაპირისპირებაში და არ მიიღო შესაბამისი ზომები“.