საყინულე არაჩვეულებრივი გამოგონებაა, რომელიც ადამიანებს ცხოვრებას უმარტივებს - ის საკვებ პროდუქტს ვარგისიანობას უხანგრძლივებს, თუმცა საკვების შენახვის დროს, ძალიან მნიშვნელოვანია დავიცვათ შენახვის წესები, რათა საფრთხე არ დაემუქროს ჩვენ ჯანმრთელობას და მაცივარსაც.
შემოგთავაზებთ ყველაზე გავრცელებულ შეცდომებს, რომელსაც დიასახლისები პროდუქტების გაყინვის დროს უშვებენ:
ზოგიერთი პროდუქტი ვერ იტანს გაყინვას და კარგავს როგორც გარეგნულ იერს, ისე სასარგებლო თვისებებს. მაგალითად, არ ღირს იოგურტის, მაწვნის, არაჟნის, კატეგორიულად აკრძალულია კვერცხისა და კონსერვების გაყინვა. ასევე, ვიზუალურ სახეს და სასარგებლო თვისებებს კარგავს გაყინული მწვანილი.
გამოვსებულ საყინულეში არ ხდება ჰაერის ცირკულაცია, რაც ძალიან ცუდად მოქმედებს მაცივარზე.
არავითარ შემთხვევაში არ შეიძლება მაცივარში ცხელი და თბილი საკვების შენახვა! ორი საათი მაინც უნდა გავიდეს კერძის მომზადებიდან, რომ ის მაცივარში მოათავსოთ, ხოლო, სრული გაციების შემდეგ საყინულეში გადაიტანოთ.
გაყინვის დროს ძალიან მნიშვნელოვანია შეფუთვა. სანამ პროდუქტს გაყინავთ, დარწმუნდით, რომ ის სწორ კონტეინერში ან პოლიეთილენში არის მოთავსებული, რომელიც განკუთვნილია სპეციალურად პროდუქტის გასაყინად.
არავითარ შემთხვევაში არ შეიძლება დიდი ულუფების გაყინვა. ჯობს დაანაწევროთ ულუფებად, თითო გაკეთებად, შემდეგ მოათავსოთ ცალკე ჰერმეტულად დაცულ კონტეინერში და გაყინოთ წაიკითხეთ ვრცლად