ახალი სახელმწიფო წყნარ ოკეანეში? - ბუგენვილის კუნძულების 300 000-იან მოსახლეობას დამოუკიდებლობა სურს

წყნარ ოკეანეში მდებარე ბუგენვილის კუნძულები შესაძლოა, ახალი სახელმწიფო გახდეს. პაპუა ახალი გვინეისგან დამოუკიდებლობის მოპოვებას რეფერენფუმზე მოსახლეობის უმეტესობამ, კერძოდ, 97%-მა დაუჭირა მხარი. თუმცა, რეფერენდუმის შედეგები სავალდებულოდ შესასრულებელი არაა. საკითხზე მოლაპარაკებები კუნძულების წარმომადგენლებსა და პაპუა ახალი გვინეის მთავრობას შორის უნდა გაიმართოს, საბოლოო გადაწყვეტილებას კი პაპუა ახალი გვინეის პარლამენტი მიიღებს.

აღსანიშნავია, რომ ბუგენვილის კუნძულებზე დაახლოებით 300 000 ადამიანი ცხოვრობს. ჯერჯერობით უცნობია თუ როგორ უნდა იარსებოს და საიდან უნდა დაფინანსდეს მთავრობა, ვინაიდან კუნძულები საჭირო თანხას პაპუა ახალი გვინეის ბიუჯეტიდან იღებს.