ავტორი:

ბიბლუსის ტოპ 5 ყველაზე გაყიდვადი თინეიჯერული წიგნი - არ გამოგრჩეს შენი თაობის რჩეული ლიტერატურა

ბიბლუსის ტოპ 5 ყველაზე გაყიდვადი თინეიჯერული წიგნი - არ გამოგრჩეს შენი თაობის რჩეული ლიტერატურა

წიგნის მოყვარულმა თინეიჯერებმა იციან, რომ არსებობს „სავალდებულო წიგნები“, რომელთა წაკითხვასაც გვავალებენ პედაგოგები თუ მშობლები... კლასიკოსთა ნაწარმოებების გარეშე კარგ მკითხველად ვერ ჩამოვყალიბდებით, ეს ნაწარმოებები გვზრდიან და გემოვნებას გვიხვეწენ, მაგრამ მათთან ერთად, აუცილებლად უნდა ავუწყოთ ფეხი ჩვენს დროს და ყურადღების მიღმა არ უნდა დაგვრჩეს ჩვენი თაობის არჩევანი. ქვემოთ სწორედ ამ წიგნებს მიმოვიხილავთ. აქაა არცთუ ისე გრძელი სია იმ არაქართული წიგნებისა, რომლებიც განსაკუთრებით უყვართ თქვენს ქართველ თანატოლებს. თუ ჯერ კიდევ არ გაგიცვნიათ ქვემოთ მოყვანილი 5 წიგნის პერსონაჟები და მათთან ერთად არ გახვეულხართ უცნაურ თავგადასავლებში, ახალ წლამდე დრო ჯერ კიდევ გაქვთ.

1 . „ორი ნაბიჯი შენამდე“ - რეიჩელ ლიპინკოტი

GoodReads Choice Awards 2019-ის გამარჯვებულის გარეშე წიგნის მოყვარულებმა ეს წელიწადი არ უნდა დაასრულოთ.

ნაწარმოები სტელა გრანტის შესახებ მოგვითხრობს, რომელიც ყველაფრის კონტროლის დაუოკებელი სურვილითაა შეპყრობილი. ამჟამად სტელას ყველაზე მეტად იმის კონტროლი სჭირდება, რომ არ მიუახლოვდეს არაფერს, რამაც, შეიძლება, მისთვის ფილტვების გადანერგვის შესაძლებლობას საფრთხე შეუქმნას. ერთადერთი რამ, რაც უილ ნიუმენს უნდა, საავადმყოფოდან გაღწევაა. სულაც არ აღელვებს მკურნალობის კურსი და ახალი, საოცარი წამლის გამოცდა. მალე 18 წლის გახდება, მოიხსნის ყველა აპარატს და საავადმყოფოების მიღმა, რეალურად დაათვალიერებს მსოფლიოს...

2. „ყვავების ექვსეული“ - ლი ბარდუგო

კეტერდამში რასაც გინდა იყიდი, თუ კარგი გადამხდელი ხარ! ყველაზე უკეთ ეს კაზ ბრეკერმა იცის და მას ეძლევა შანსი წარმოუდგენლად გამდიდრდეს, თუკი ქურდობას ჩაიდენს და სიკვდილს გადაურჩება. თუმცა ყვავების ექვსეულის გარეშე, ის ვერაფერს შეძლებს.

3. „წიგნის ქურდი“ - მარკუს ზუზაკი

ამ წიგნის ეკრანიზაცია ბევრისთვის ცნობილია, მაგრამ წიგნს სულ სხვა ხიბლი აქვს და სხვა ემოციების მატარებელია. ასე, რომ წელიწადი ამ წიგნის წაუკითხავად არ უნდა დაასრულოთ.

4. „ეკლებისა და ვარდების სამეფო“ - სარა ჯ. მაასი

ოდესღაც დიდებული ოჯახი, გაღატაკების შემდეგ, ციხე-დარბაზიდან პატარა კოტეჯში გადასახლდება. სამი დიდან ყველაზე უმცროსი, ცხრამეტი წლის ფერა იძულებულია, შიმშილით რომ არ დაიხოცონ, ძალიან საშიშ ტყეში ინადიროს ხოლმე. ერთ დღეს, ფერა ტყეში მგელს მოკლავს. იმავე საღამოს, მას შინ მხეცისმაგვარი არსება შურისაძიებლად მიადგება. მომაკვდინებელი მაგიით მოცულ მხარეს ფერა მხოლოდ და მხოლოდ ლეგენდებიდან იცნობს და მალე აღმოაჩენს, რომ მისი დამატყვევებელი ცხოველი კი არა, ტემლინია - საშიში, უკვდავი ფეა.

დაძაბული, რომანტიკული, დამაინტრიგებელი და მძაფრი. ამ წიგნის გამოტოვება არ შეიძლება!

5. „ფინალი“ - ბეკა ფიცპატრიკი

„სიჩუმის“ საგის დასასრული:

„შემდეგ კი ფიქრებით ერთი წლით უკან გადავინაცვლე. მაშინ მეორე კურსზე სწავლას ვიწყებდი, ბიჭისთვის არც მეკოცნა და, შესაბამისად, წარმოდგენა არ მქონდა, წინ რა მელოდა. პაჩი ჩემთვის იმდენად ბევრს ნიშნავდა, რომ ამის სიტყვებით გადმოცემა მიჭირდა.

მისი სიყვარული და რწმენა ცხოვრებაში ყველაზე სერიოზული გადაწყვეტილებების მიღებაში მეხმარებოდა. საზოგადოდ, ბევრ რამეში არ ვიყავი დარწმუნებული, მაგრამ იმაში ბოლომდე შემეძლო დარწმუნება, რომ პაჩი სწორი არჩევანი იყო. მას არცერთ შემთხვევაში, არ დავთმობდი. არასოდეს“

"რა პარტია, რის პარტია... არ შეიძლება ერთმანეთი გვიყვარდეს?!" - გურამ დოჩანაშვილი მკითხველზე, მეგობრებსა და პოლიტიკაზე

ენდე მკითხველს - "ბიბლუსის" 10 ყველაზე გაყიდვადი წიგნი, რომელთა გარეშე 2019 წელი არც შენ არ უნდა დაასრულო

რომელ წიგნებზე ვრცელდება 35%-იანი ფასდაკლება ბიბლუსის მაღაზიათა ქსელში?