ავტორი:

შავი საქორწინო კაბა და ქორწილი გამხმარ ხესთან - წლის ყველაზე უჩვეულო ცერემონიის ფოტოები

შავი საქორწინო კაბა და ქორწილი გამხმარ ხესთან - წლის ყველაზე უჩვეულო ცერემონიის ფოტოები

წყვილების უმეტესობას სურს, რომ ქორწილის დღე გამორჩეული და დასამახსოვრებელი იყოს. უამრავი დეტალია, რომელთა გათვალისწინებაც ქორწილის ცერემონიას შთამბეჭდავს ხდის. დაუვიწყარი ცერემონიის მოწყობა სურდა „ნაიკის“ შემოქმედებით დირექტორს, ლიდია პენგსაც და გამოუვიდა კიდეც, რადგანაც მის ქორწილს გავლენიანი მოდური გამოცემები წლის ყველაზე უჩვეულო და შთამბეჭდავ ცერემონიად მოიხსენიებენ.

ყველაზე დასამახსოვრებელი ქორწილიდან პატარძლის შავი კაბა იყო.

უელსელმა ლიდიამ და რუმ ერთმანეთი 12 წლის წინ, სოციალურ ქსელ MySpace-ზე გაიცნეს.

“გულწრფელად რომ გითხრათ, ვერასოდეს ვიფიქრებდი, თუ დავქორწინდებოდით, ეს არ ყოფილა ჩვენთვის პრიორიტეტული, მაგრამ დრო რომ გავიდა, როცა უკვე ბევრი რამ გამოვცადეთ ერთად, მივხვდით, რომ ვიმსახურებდით დიდ დღესასწაულს, რომლითაც ჩვენს სიყვარულს აღვნიშნავდით.

გასულ წელს გადავწყვიტეთ, რომ იაპონიაში, ტოკიოში გვემოგზაურა და ასე აღგვენიშნა სიყვარულის 12 წლისთავი. სწორედ ტოკიოში გაგვიჩნდა აზრი, რომ დრო იყო დავქორწინებულიყავით.

მარტივი და რომანტიკული ნიშნობის ცერემონია გვქონდა.და რაც მთავარია, ვფიქრობ, რომ ყველაფერი განსხვავებული იყო, არ ჰგავდა სხვა წყვილების ნიშნობებს“, - ამბობს ლიდია „ვოგისთან“ საუბრისას.

მისივე თქმით, ნიშნობის შემდეგ ქორწილისთვის მზადება დაიწყეს, ცერემონია სამხრეთ უელსში შედგა, იმ ადგილას, სადაც ლიდიამ ბავშვობა გაატარა.

"ჩემთვის უმნიშვნელოვანესია წარსული, ის, თუ საიდან მოვდივართ. მინდოდა, ჩემი ცხოვრების ძალიან მნიშვნელოვანი დღე მშობლიურ მხარეში აღმეშნა. ულამაზესი გარემოა აქ“, - ამბობს ლიდია.

წყვილს სურდა, რომ მათი ქორწილი გამორჩეული და დასამახსოვრებელი ყოფილიყო, ისეთი, რომელზეც მთელი მსოფლიო ილაპარაკებდა.

„საქორწინო ცერემონია გამხმარ ხესთან შედგა, გვქონდა ჩვენი საყვარელი საჭმელები, გავიკეთეთ ტატუები.

რაც შეეხება კაბას, მსურდა კომფორტული, გოთიკური სტილის, ქალური კაბა მცმოდა, რომელსაც ბევრი თანამედროვე ელემენტი ექნებოდა. დიზაინი ჩემით მოვიფიქრე, თუმცა ვმუშაობდი ახალგაზრდა დიზაინერ კეტი რობერტს ვუდსთან ერთად. ვიცოდი, რომ ერთად რაღაც მაგიურს შევქმნიდით. შედეგმა ნამდვილად გადააჭრაბა მოლოდინს“, - ამბობს პატარძალი.

როგორი იქნება 2020 წლის იანვარი - წლის პირველი თვის ასტროლოგიური პროგნოზი

ნამცხვარი, რომელიც დედოფალ ელისაბედს მუდმივად ჩანთით დააქვს - მონარქს დესერტი მოგზაურობაშიც მიაქვს

41 წლის ქალის დაუჯერებელი გარეგნობა - როგორ უვლის კანს იმისთვის, რომ თინეიჯერს ჰგავდეს?