უკრაინის პრემიერის ინფორმაციით, ავიაკატასტროფის შედეგად 167 მგზავრი და ეკიპაჟის 9 წევრი დაიღუპა
უკრაინის პრემიერის ალექსეი გონჩარუკის ინფორმაციით, ირანში უკრაინული თვითმფრინავის ჩამოვარდნის შედეგად დაღუპულია 176 ადამიანი. მათ შორის - 167 მგზავრია, ხოლო 9 - ეკიპაჟის წევრი.
ქვეყნის პრემიერმა სამძიმრის განცხადება Facebook-ის ოფიციალურ გვერდზე გაავრცელა:
"საშინელი ტრაგედია მოხდა თეირანში დღეს დილით. კატასტროფა განიცადა უკრაინულმა თვითმფრინავმა. მიმდინარეობს მუშაობა იმის დასადგენად, თუ რამ გამოიწვია ტრაგედია. შემთხვევის ადგილზე მუშაობს უკრაინის კონსული" - აღნიშნა გონჩარუკმა და დასძინა, რომ უკრაინის შსს-ში ოპერატიული კრიზის-ჯგუფი შეიქმნა.
"ახლა ვაზუსტებთ ინფორმაციას, უკრაინის რამდენი მოქალაქე იმყოფებოდა ბორტზე. პირველადი ინფორმაციით, რეისზე დარეგისტრირებული იყო 167 მგზავრი და ეკიპაჟის 9 წევრი" - აღნიშნა გონჩარუკმა.
არსებული ინფორმაციით, უკრაინის საერთაშორისო ავიახაზების კუთვნილმა "ბოინგ-737"-მა, თეირანის აეროპორტიდან აფრენიდან სამ წუთში განიცადა კატასტროფა.
ტრაგედიის გამო მწუხარება გამოთქვა უკრაინის პრეზიდენტმა ვლადიმერ ზელენსკიმ.
უკრაინა ბოინგ-737-ის კატასტროფის რამდენიმე ვერსიას განიხილავს - როგორია ირანული გამოძიების პირველადი შედეგები?
"ზოგიერთი პანიკაშია... არ ვიცით, რა შეიძლება მოხდეს ერთი საათის შემდეგ“ - რას უყვება ფერეიდნელი ქართველი AMBEBI.GE-ს
