ავტორი:

პრინცი ჰარი და მეგან მარკლი ახალ წელს რუსი მილიარდერის სასახლეში შეხვდნენ - როგორია 14 მილიონიანი ვილა? (+ფოტოები)

პრინცი ჰარი და მეგან მარკლი ახალ წელს რუსი მილიარდერის სასახლეში შეხვდნენ - როგორია 14 მილიონიანი ვილა? (+ფოტოები)

პრინცმა ჰარიმ და მეგან მარკლმა შობა და ახალი წელი კანადაში გაატარეს, ხოლო დიდ ბრიტანეთში დაბრუნების შემდეგ განაცხადეს, რომ უარს ამბობენ სამეფო ოჯახის წევრის სტატუსზე და პრივილეგიებზე, სურთ მუშაობა და „ფინანსური დამოუკიდებლობის“ მოპოვება. ამ განცხადების შემდეგ, მედია დაინტერესდა, თუ რა თანხა დახარჯეს პრინცმა და მისმა ცოლმა კანადაში და როგორ სახლში ცხოვრობდნენ ისინი.

გამოცემა DailyMail.com წერს, რომ წყვილი თავიანთ შვილთან, არჩისთან ერთად 14 მილიონ დოლარად შეფასებულ სასახლეში ცხოვრობდა, რომელიც რუს ბიზნესმენს ეკუთვნის. ერთი კვირით მისი დაქირავება 100 ათასი დოლარი ღირს, პრინცი და მისი ოჯახი კი იქ რვა კვირის განმავლობაში ცხოვრობდნენ.

სასახლის მახლობლად მცხოვრები ოჯახები, ასევე მისი ყოფილი მეპატრონის მეგობარი ამბობენ, რომ უძრავი ქონება რუსი მილიარდერის საკუთრებაშია. მეგანი და ჰარი სახლის მფლობელს კანადელმა მუსიკოსმა, დევიდ ფოსტერმა გააცნო, რომელიც ბიზნესმენის მეგობარია, ხოლო ფოსტერის ცოლი კეტრინ მაკფი მეგან მარკლის სკოლის მეგობარი გახლავთ.

სახლის მფლობელის სახელი ოფიციალურ დოკუმენტებში არ ფიგურირებს, რადგანაც როგორც გამოცემა წერს, ის გადასახადების გადახდას არიდებს თავს.

მეგანისა და ჰარის პრეს-სპიკერი უარყოფს ინფორმაციას იმის შესახებ, რომ წყვილმა დიდი თანხა გადაიხადა საცხოვრებელ ხარჯებში. სპიკერის თქმით, საერთოდ არანაირი თანხა არ გადაუხდიათ და რომ სახლის მეპატრონემ წყვილს ის ათხოვა. გამოცემასთან საუბრისას არც ის არ ამხელს მეპატრონის ვინაობას.

DailyMail-მა უძრავი ქონების კომპანიიდან სახლის ფოტოებიც მოიპოვა. კომპანიაში მხოლოდ იმას ამბობენ, რომ სახლის მეპატრონე არც კანადელია და არც ამერიკელი. გამოცემის ცნობით, შესაძლოა, ეს სახლი უბრაული და რუსული წარმოშობის ბიზნესმენს იური მილნერს ეკუთვნოდეს, თუმცა ინფორმაცია დაუდასტურებელია.

"იდუმალი და სევდიანი გამოვიდა..." - ზაზა ურუშაძის ხსოვნას ქართველმა ფლორისტმა უძველესი კინოფირით შექმნილი ნაძვის ხე მიუძღვნა

ცაცხვის ჩაი ვირუსს ამარცხებს - რა ვიცით "ექიმი ხის" სამკურნალო თვისებებზე

სამეფო წყვილების ისტორიები, რომლებმაც ტიტულს სიყვარული ამჯობინეს