ჟურნალისტ ბექა პატურაშვილის შვილის დასახმარებლად საქველმოქმედო გამოფენა-გაყიდვა გაიმართა

ეროვნული ბიბლიოთეკის საგამოფენო დარბაზში საქველმოქმედო გამოფენა-გაყიდვა "კადრს მიღმა" გაიმართა, რომლის მიზანიც "რუსთავი 2"-ის ჟურნალისტის, ბექა პატურაშვილის 1 წლის შვილის დახმარება იყო.

ბავშვს ღვიძლზე სიმსივნური წანაზარდი აღმოაჩნდა, რისთვისაც აუცილებელია სასწრაფო მკურნალობა, მკურნალობისთვის კი კოლოსალური თანხებია საჭირო.

საქველმოქმედო ექსპოზიციაზე წარმოდგენილი იყო სამი ოპერატორის: ბექა მშვილდაძის, რეზი ცირეკიძის, არჩილ ვაჟიკაშვილის და ვიცე-პოლკოვნიკ ნინო ჯიქიას ნამუშევრები.

დამთვალიერებლებმა რამდენიმე ექსპონატი ადგილზევე შეიძინეს და შემოსული თანხა 1 წლის ალექსის დასახმარებლად გადაირიცხა.

როგორც გამოფენის ორგანიზატორმა ბექა მშვილდაძემ AMBEBI.GE-ს განუცხადა თვითნასწავლმა ხელოვანებმა გამოფენაზე სხვადასხვა ტიპის ნამუშევრები წარმოადგინეს:

"მე პირადად გამოფენილი მაქვს ჩემი ნახატები - ტილო,ზეთი. რეზი ცირეკიძესა და არჩილ ვაჟიკაშვილს პატარა ქანდაკებები, ნინო ჯიქიამ კი ნაქარგები წარმოადგინა. რაც შემოგვივა თანხა, გადავრიცხავთ პატარა ალექსის დასახმარებლად" - აღნიშნა ბექა მშვილდაძემ.

1 წლის ალექსის დახმარება თქვენც შეგიძლიათ, ანგარიშის ნომერზე "საქართველოს ბანკში":

GE54BG0000000161812619

მიმღები ბექა პატურაშვილი (ალექსის მამა)