შსს გუგეშაშვილის მკვლელობაში ბრალდებულის დაკავების კადრებს ავრცელებს

შინაგან საქმეთა სამინისტრომ ყოფილი თადარიგის პოლკოვნიკის, დოდო გუგეშაშვილის დაჭრისა და მისი შვილის, ნოდარ გუგეშაშვილის მკვლელობის საქმე გახსნა.

უწყების განმარტებით, დაკავებულია 1975 წელს დაბადებული ზ.მ. სამინისტრო მისი დაკავების კადრებსაც ავრცელებს. როგორც კადრებში ჩანს, სამართალდამცველებმა მკვლელობაში ბრალდებული 45 წლის მამაკაცი სავარაუდოდ გუშინ, ქუჩაში მანქანით გადაადგილებისას დააკავეს.

შს მინისტრის მოადგილის, კახაბერ საბანაძის ინფორმაციით, დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

გამოძიების ოფიციალური ვერსიით, ბრალდებულმა ზ.მ-მ 2018 წლის 7 თებერვალს, თბილისში, დოდო გუგეშაშვილის დროებით საცხოვრებელ სახლში, ცეცხლსასროლი იარაღიდან გასროლით გულმკერდის არეში სხეულზე დაზიანებები მიაყენა დოდო გუგეშაშვილს და მის შვილს - გრიგოლ გუგეშაშვილს, რომელიც მიღებული დაზიანებების შედეგად ადგილზე გარდაიცვალა.

თავად დოდო გუგეშაშვილი, დროული სამედიცინო დახმარების შედეგად, სიკვდილს გადაურჩა.