რას ამბობს ადვოკატი, რომელმაც ნიკა მელია რუსთავის პენიტენციურ დაწესებულებაში მოინახულა
"ნაციონალური მოძრაობის" თავმჯდომარე ნიკა მელია, რომელიც რუსთავის მე-12 პენიტენციურ დაწესებულებაში გადაიყვანეს, თავს მხნედ გრძნობს.
ამის შესახებ მელიას მონახლების შემდეგ მისმა ადვოკატმა გიორგი კონდახაშვილმა ჟურნალისტებს განუცხადა.
მისი თქმით, "ნაციონალური მოძრაობის" თავმჯდომარის მთავარი გზავნილია, რომ ბრძოლა ბოლომდე მივიდეს.
"ნიკა თავს გრძნობს ისე მხნედ, როგორ არასდროს. მისი მთავარი გზავნილია, რომ ბრძოლა გაგრძელდეს ბოლომდე. ბედნიერია, რომ უამრავმა ადამიანმა, რომელიც აპროტესტებდა ოფისში უსამართლობას, არ მიიღო დაზიანებები.
ამაღლებულ განწყობაზეა, არის მხნედ. მოუწოდებს საზოგადოებას და მეგობრებს, რომ ბრძოლა იქნება ბოლომდე. ისეა დარწმუნებული გამარჯვებაში, როგორც არასდროს" - აღნიშნა კონდახაშვილმა.
შეგახსენებთ, რომ ნიკა მელია რამდენიმე საათის წინ დააკავეს. მისი აყვანის სპეცოპერაცია შსს-მ "ნაციონალური მოძრაობის“ ოფისში დილიდან დაიწყო.
"იმედია, აწი მაინც, ტურში წასული ყველა ადამიანი ცოცხალი დაბრუნდება ოჯახში..." - რას ამბობენ შატილის ავარიისას დაზარალებულები ბრალდებულების დაკავებაზე
"მათი ადგილი ციხეშია... როგორ ეძინათ? ბოდიში მაინც მოეხადათ კაცურად!" - შატილში ავარიისას გარდაცვლილი მედეა დევსურაშვილის დედა დაკავებულებზე
