რუსთავში სავარაუდოდ, ბუნებრივი აირით, ცოლ-ქმარი გარდაიცვალა, მათი შვილი - ჰოსპიტალიზებულია

რუსთავში, ლეონიძის ქუჩაზე, სავარაუდოდ, ბუნებრივი აირით, ორი ადამიანი გარდაიცვალა, მესამე კი სასწრაფო სამედიცინო დახმარების ბრიგადამ საავადმყოფოში გადაიყვანა.

გარდაცვლილები 53 და 57 წლის ცოლ-ქმარი არიან, მათი 25 წლის შვილი კი ჰოსპიტალიზირებულია.

როგორც AMBEBI.GE-სთვის გახდა ცნობილი, ოჯახი ლეონიძის ქუჩაზე ნაქირავებ ბინაში ცხოვრობდა.

ადგილზე მობილიზებულია პოლიცია და "სოკარ-ჯორჯია გაზის" თანამშრომლები.

რუსთავში ბუნებრივი აირის ნამწვით ორი ადამიანი გასულ კვირასაც გარდაიცვალა.