ავტორი:

რატომ უნდა დაიწყოთ ჭარბთმიანობასთან ბრძოლა შემოდგომასა და ზამთარში - ლაზეროთერაპევტის რჩევები

რატომ უნდა დაიწყოთ ჭარბთმიანობასთან ბრძოლა შემოდგომასა და ზამთარში - ლაზეროთერაპევტის რჩევები

ჭარბთმიანობა სხვადასხვა მიზეზით შეიძლება იყოს განპირობებული და სწორედ ამ მიზეზზე არის დამოკიდებული მისი მკურნალობის ხანგრძლივობაც. პრობლემის სრულად მოგვარება თმის ერთჯერადი მოშორებით არ ხდება და ეს საკმაოდ ხანგრძლივი, თანმიმდევრული პროცესია. აღნიშნულ პროცესში კი წესების დაცვა აუცილებელია. სწორედ ამ წესებსა და ეპილაციით სასურველი შედეგის მიღების მეთოდებზე ვესაუბრეთ ესთეტიკურ ცენტრ „კონტურის“ ლაზერო-თერაპევტ მაკა მენაბდეს.

როგორც მაკა მენაბდე განმარტავს, ეპილაციით სასურველი შედეგის სწრაფად მიღწევა ვისაც სურს, უმჯობესია თუ ლაზერული ეპილაციის გაკეთებას შემოდგომის ან ზამთრის პერიოდში დაიწყებს.

რატომ არის რეკომენდებული ეპილაციის დაწყება შემოდგომასა და ზამთარში?

ლაზერული ეპილაციის პროცედურების სქემას ლაზერო-თერაპევტი ადგენს ინდივიდუალურად თითოეული პაციენტისთვის. სასურველი შედეგის მისაღწევად კი ამ სქემის დაცვა აუცილებელია. სქემა დამოკიდებულია პაციენტის მდგომარეობაზე, იმაზე თუ რა ტიპის და რამდენი პროცედურა აქვს ჩატარებული, კანი და თმა გაღიზიანებული აქვს თუ არა, აღენიშნება თუ არა ჩაბრუნება, მაგრამ ყველაზე მნიშვნელოვანი ორგანიზმის ჰორმონალური ბალანსია. თუ არ გვაქვს განსაკუთრებული პრობლემებით გამოწვეული ჭარბთმიანობა მაშინ პრობლემის მოსაგვარებლად პროფესიონალური აპარატით ჩატარებული 6-8 პროცედურა საკმარისია. საწყის ეტაპზე განსაკუთრებით დიდი მნიშვნელობა აქვს შუალედების დაცვას, რაც ზაფხულის პერიოდში რთულია. რადგან ხშირად გავდივართ ქალაქგარეთ, რუჯიც ხელს უშლის სქემის დაცვას, რადგან გარუჯვის შემდეგ გარკვეული შუალედის დაცვაა საჭირო, რაც ასევე ინდივიდუალურია. აგრეთვე გარუჯულ კანზე, უსაფრთხოების წესების დაცვით გამოიყენება უფრო დაბალი ენერგია, რაც აფერხებს სასურველი შედეგის სწრაფად მიღწევას.სწორედ ამიტომ ყველას ვურჩევ, ლაზერული ეპილაციის გაკეთება დაიწყონ შემოდგომაზე ან მაქსიმუმ ზამთარში, რომ ზაფხულში უკვე მოწესრიგებული და გლუვი, უთმო კანი ჰქონდეთ.

რა მოხდება, თუ ეპილაციის პროცედურებს შორის დაგეგმილ შუალედებს პაციენტი ვერ დაიცავს?

თუ ჩვენი მიზანია, რომ არასასურველი თმისგან საბოლოოდ გავთავისუფლდეთ, მაშინშუალედების დაცვა აუცილებელია. ეს არ არის ლაზეროთერაპევტების ამოჩემება. თავიდან 2-3 პროცედურა უნდა გაკეთდეს 21 დღიანი შუალედით, რადგან თმის ზრდის 4 ფაზიდან პირველი ანუ ანაგენის ფაზა, როდესაც თმა მიბმულია ფოლიკულზე, შეადგენს სხეულის 40-60%-ს. დანარჩენი არის კატაგენის ანუ ამოვარდნის ტალოგენის ფაზაში მყოფი. აღსანიშნავია, რომ ზრდის ანუ ანაგენის ფაზაში მყოფი თმა 1 სანტიმეტრამდე იზრდება სწორად 21-დან 28 დღემდე ინტერვალში. შემდეგ შუალედების ხანგრძლივობა იზრდება და ხდება 1 თვე, თვენახევარი და ასე შემდეგ. თმის ზრდის ფაზები განაპირობებს ამ ინტერვალების ხანგრძლივობას. ერთი პროცედურით თმის დაახლოებით 30-40%-ის მოშორებას ვახერხებთ. ეს არის თმის ის ნაწილი, რომელიც პროცედურის დროს პირველ ფაზაშია. მეორე და მესამე ფაზაში მყოფი თმა კი სუსტდება და თხელდება. ამ შემთხვევაში მათი კვების დარღვევა ხდება, რის შედეგადაც უკვე ვზრდით შუალედებს.

რა განსხვავებაა ლაზერული ეპილაციის სხვადასხვა ტიპებს შორის და რომელი არის ყველაზე ეფექტური?

ლაზერული ეპილაციის ტიპები განსხვავდება ტალღის სიგრძით და ამ ტალღის ენერგიით ანუ სიმძლავრით, მათი მუშაობის პრინციპი კი ანალოგიურია. სწორედ სხივის სიგრძიდან და თვისებებიდან გამომდინარე ალექსანდრიტის ლაზერი პირველი და მეორე ტიპის კანზე არის ყველაზე ეფექტური, როდესაც თმა არის კარგად პიგმენტირებული ანუ მუქი, კანი კი - თეთრი. თხელ და ღია ფერის თმაზე, სადაც ნაკლები პიგმენტია, ალექსანდრიტის ლაზერი ნაკლებად ეფექტურია. თუ ამ ტიპის ეპილაციას გავაკეთებთ მუქი ფერის კანზე, თმის ნაცვლად კანის პიგმენტი შთანთქავს სხივს და შეიძლება დამწვრობაც კი გამოვიწვიოთ.

დიოდის შემთხვევაში კი, როდესაც გვაქვს კანიდან პიგმენტის ანუ მელანინის მოშორების ტექნოლოგია, სხივის სრულად თმა და თმის ბოჭკო შთანთქავს და მაქსიმალური ეფექტის მიღწევაც შესაძლებელია. ამ ტიპის ეპილაცია ნებისმიერი ტიპის კანზე კეთდება.

რაც შეეხება სამსხივიან ლაზერს, ამ შემთხვევაში ლაზეროთერაპევტს განსაკუთრებული ყურადღება სჭირდება სხივების დასარეგულირებლად, რომ სასურველ შედეგს მიაღწიოს და ჭარბთმიანობის პრობლემა უფრო არ გართულდეს. რადგან თუ სამივე სხივი მაღალია და კანი კავკასიური ტიპის ანუ მე-2-მე-3 ტიპია, მივიღებთ დამწვრობას. თუ სხივების პარამეტრებს საშუალოს შევარჩევთ, მაშინ შეიძლება სითბური ზეგავლენით მიძინებული თმა გავააქტიუროთ. ხოლო თუ დაბალი პარამეტრით ვსარგებლობთ, შედეგი მოსალოდნელზე გაცილებით ნაკლები იქნება.

რამდენად მნიშვნელოვანია ლაზერული ეპილაციის აპარატი? თუ მხოლოდ ეპილაციის ტიპის შერჩევაა საკმარისი?

კონკრეტულ აპარატს დიდი მნიშვნელობა აქვს.მას უნდა ჰქონდეს პაციენტთან პარამეტრის ინდივიდუალურად შერჩევის შესაძლებლობა. აგრეთვე ძალიან მნიშვნელოვანია,მასში ჩადებული იყოს კანის დამცავი პარამეტრები, რაც უსაფრთხოდ მაღალი ენერგიის გამოყენებისსაშუალებას მოგვცემს. მე სხვადასხვა ესთეტიკურ ცენტრში მიმუშავია და განსაკუთრებულად მომწონს Lumenis-ის აპარატები. ისრაელის და აშშ-ს წარმატებულმა ტანდემმა შექმნა უნიკალურიაპარატი LumenisLightsheer Duet. მან სრულად შეცვალა მსოფლიოს ხედვა ეპილაციის სფეროში. ის უნიკალურია, რადგან აქვს ორი აპლიკატორი სხეულის სხვადასხვა ნაწილებისთვის. მინდა აღვნიშნო ისიც, რომ აპარატი მუშაობს ვაკუუმ რეჟიმით, რაც ახდენს კანის შეწოვას, მისი ზედაპრის გაჭიმვას. შედეგად ფოლკულებს შორის მანძილი იზრდება, კანში მელანინის ანუ პიგმენტის სიმკვრივე მცირდება, შესაბამისად, ეპდერმისის მიერ ნაკლები ენერგია შთაინთქმება და სხივის მთელი კონცენტრაცია მიმართულია თმის ფოლეკულისკენ. სწორედ ამიტომ ის იცავს კანს დამწვრობისა და მიმდებარე ქსოვილების დაზიანებისგან. გასროლის არეც დიდი აქვს, სწორედ ამიტომ პროცედურა სწრაფად მიმდინარეობს. ვაკუუმ სისტემა განაპირობებს იმასაც, რომ პროცედურა მაქსიმალურად უმტკივნეულოა და არ საჭიროებს ჟელეს, რაც ძალიან კომფორტულია.

გარუჯულ კანზე ეპილაციის გაკეთება რამდენად რეკომენდებულია?

დღეს ხშირად გაიგებთ, რომ გარუჯულ კანზე კეთდება ეპილაცია. აღნიშნულის ასე მტკიცებითი ფორმით თქმა არ შეიძლება. ზოგს შეიძლება რუჯის მიღებიდან 5 დღეში გავუკეთოთ დიოდური ეპილაცია, ზოგს კი - 2 კვირაში. ეს კანის პიგმენტაციაზეა დამოკიდებული. ამ შემთხვევაშიც ვაკუუმ სისტემა გვაძლევს კარგ შედეგს, რადგან კანის ამოქაჩვის შედეგად, კანის პიგმენტი იფანტება. რუჯიან კანში კი განსაკუთრებულად ბევრი პიგმენტია და სხივის დიდი ნაწილი სწორედ მას მიაქვს, თმის ფოლეკულში არასაკმარისი რაოდენობის სხივი აღწევს. სწორედ ამიტომ გვჭირდება ვაკუუმ სისტემა და კანის დაჭიმვა. სხვა აპარტებით გარუჯულ კანზე ეპილაციის გაკეთება სარისკოა.

როგორ შეიძლება ვალენტინობას საყვარელი ადამიანი გავახაროთ?

რა განსხვავებაა თეთრ, ყავისფერ და ქოქოსის შაქარს შორის და რომელი უფრო სასარგებლოა ჯანმრთელობისთვის?

„თუ ყავა ისეა დამუშავებული, რომ არ ვიცით, რა შემადგენლობა აქვს, უმჯობესია საერთოდ არ მივიღოთ“, - კარდიოლოგი ალექსანდრე საბეკია