ავტორი:

როგორ მივიდეთ იდეიდან წარმატებულ ბიზნესამდე? - ბიზნესის წარმომადგენლები პრაქტიკულ რჩევებს მიიღებენ

როგორ მივიდეთ იდეიდან წარმატებულ ბიზნესამდე? - ბიზნესის წარმომადგენლები პრაქტიკულ რჩევებს მიიღებენ

“ხარისხი საუკეთესო ბიზნესგეგმაა“, - ეს სიტყვები კომპანია „ეფლის“ დამფუძნებელს ლეგენდარულ სტივ ჯობსს ეკუთვნის, რომლის სახელსაც ყველგან გაიგონებთ, სადაც კრეატივზე, ინოვაციაზე, წარმატებასა და სწორ ბიზნესმოდელებზეა საუბარი.

სტივ ჯობსს მიაჩნდა, რომ „ეფლი“ სწორედ ხარისხზე იდგა. ალბათ კომპანიების უმეტესობა მის მოსაზრებას ეთანხმება და მიიჩნევს, რომ ხარისხიანი პროდუქტი და სერვისი მართლაც ჰაერივით საჭიროა. ხანდახან კი ხარისხიანი პროდუქტის მწარმოებელ კომპანიას მხოლოდ იმიტომ არ უმართლებს, რომ არასწორი ბიზნესმოდელი შეიმუშავა.

ინოვაციური და საინტერესო სტარტაპების უმეტესობა სწორედ არასწორი ბიზნესმოდელის გამო ვერ ვითარდება, განსაკუთრებით კი ჩვენს ქვეყანაში, სადაც სტარტაპების „ბუმი“ სწორედ ახლა დაიწყო.

კარგ იდეას რომ ჭკვიანურად განხორციელება სჭირდება, ამაში ყველა ვთანხმდებით, მაგრამ როგორ უნდა გავაკეთოთ ეს?

სწორედ ამ საკითხზე ბიზნესაქსელერატორ „სპარკში“ საკონსულტაციო კომპანია „ჯეპრას“ დამფუძნებელი და უფროსი კონსულტანტი, სოსო გალუმაშვილი ისაუბრებს. „ჯეპრასთან“ ერთად, შეხვედრას ორგანიზებას უწევს „გამომცემლობაპალიტრა L-ის“ბიზნესლიტერატურის პროექტი „ლურჯი ოკეანე“.

სოსო გალუმაშვილი დეტალურად ისაუბრებს შემდეგ საკითხებზე: რა იწვევს კომპანიების წარუმატებლობას და როგორ ავიცილოთ ეს თავიდან; ბიზნესის წარმომადგენლებს, სტარტაპებს მისცემს რჩევებს, სად ვეძებოთ ინოვაცია; რა არის ბიზნესმოდელის ტილო და როგორ გვეხმარება ის ინოვაციური ბიზნესმდელის შექმნაში; როგორ დაგეხმარებათ ბიზნესმოდელი, კუთვნილი ადგილი ბაზარზე მყარად დაიკავოთ; ასევე, გაგაცნობთ მსოფლიოში ლიდერი კომპანიების ბიზნესმოდელებსა და მათ ინოვაციებს.

ამასთან, სპიკერი ყურადღებას გაამახვილებს ლიტერატურაზე, რომელიც სწორი ბიზნესმოდელის შექმნაში დაგეხმარებათ: „როგორ შევქმნათ ბიზნესმოდელი“ და „ბიზნესმოდელების ნავიგატორი“.

„ამ შეხვედრის მთავარი მიზანი არის ის, რომ ბიზნესს გავაცნოთ ის მოწინავე სამეცნიერო ტექნოლოგიები და მეთოდოლოგიები, რომელიც მსოფლიოში ძალიან პოპულარულია და ჩვენთან ჯერ კიდევ ვერ მოიკიდა ფეხი. ბიზნესმოდელის ტილოს შემუშავება არის ის ახალი მიდგომა, რომლებმაც მსოფლიოში არაერთი სექტორის შემთხვევაში უკვე გაამართლა, როგორც წამყვანი კომპანიების შემთხვევაში, ასევე სტარტაპებში. ამ შეხვედრის მიზანია, გაგაცნოთ, რამდენად მნიშვნელოვანია ინოვაციური ბიზნესმოდელების დანერგვა როგორც მოქმედ, ისე დამწყებ ბიზნესებში“, - აღნიშნა მან.

მისივე თქმით, მნიშვნელოვანია იმ ლიტერატურის კითხვაც, რაც სწორედ ამ ბიზნესმოდელებს შეეხება. მათ შორის ერთ-ერთი არის „ბიზნესმოდელების ნავიგატორი“, რომელშიც 55 მსოფლიოში ყველაზე უფრო პრაქტიკული ბიზნესმოდელია განხილული. სოსო გალუმაშვილმა აღნიშნა, რომ ამ ბიზნესმოდელებს შორის, შეიძლება, თავი ბევრმა ქართულმა კომპანიამაც ამოიცნოს.

სივრცე, რომელიც ღონისძიებას მასპინძლობს, ჩვენს ქვეყანაში სტარტაპ ეკოსისტემის განვითარებასა და ზოგადად ბიზნესის კუთხით ცოდნის ამაღლებას შექმნის დღიდან უჭერს მხარს. „სპარკის“ მარკეტინგის მენეჯერი, თამთა გველესიანი აღნიშნავს, რომ ღონისძიების იდეა და თემატიკა ზუსტად შეესაბამება „სპარკის“ კონცეფციას.

„ბევრ მსგავს ღონისძიებას ვმასპინძლობთხოლმე და ძალიან გვიხარია, რომ შეგვიძლია, მსგავსი ნაბიჯებით ხელი შევუწყოთ ადამიანებს, რომელთაც ბიზნესის დაწყება სურთ.

რეალურად, ბიზნესმოდელის ტილო არის ინსტრუმენტი, რომელიც სტარტაპებს ეხმარება, სტრატეგიების შემუშავებაში ბევრი დრო არ დაკარგონ. შესაბამისად, რადგან საქართველომაც ფეხი აუწყო სტარტაპ ეკოსისტემის განვითარებას, უფრო აქტუალური გახდა ის მეთოდი, რომელიც უმეტესწილად უფრო სტარტაპებზე და ძირითადად, ისეთ ორგანიზაციებზე, სადაც სწრაფად კეთების ღირებულებები აქვთ დანერგილი“, - აღნიშნა თამთა გველესიანმა.

ტრენინგი 6 თებერვალს 19:00 საათზე „სპარკის“ სივრცეში გაიმართება. მონაწილეობის მსურველებმა კი სარეგისტრაციო ფორმა უნდა შეავსონ: https://bit.ly/36VRloH

ღონისძიების ბმული: https://www.facebook.com/events/478971829458573/

ორმეფობის ხანა საქართველოში და ორი დავითის შესახებ დეტალურად მოთხრობილი ისტორია

"ბიბლუსი გალერეაში", წიგნის საჯაროდ კითხვის დღეს, პაატა ცანკაშვილის წიგნის წარდგენა გაიმართება

როგორ შევარჩიოთ თანამედროვე ლიტერატურა?