ჩინელი ექიმი, რომელიც საზოგადოებას კორონავირუსის შესახებ პირველი აფრთხილებდა, ვირუსით გარდაიცვალა

ჩინელი ექიმი ლი ვერლიანი, რომელიც საზოგადოებას კორონავირუსის საფრთხის შესახებ ჯერ კიდევ დეკემბერში ერთ-ერთი პირველი აფრთხილებდა, ვირუსით გარდაიცვალა. ამ ინფორმაციას BBC ავრცელებს.

გამოცემის მიხედვით, ვერლიანმა კორონავირუსის შესახებ ინფორმაცია პირველად სოციალური ქსელის მეშვეობით გაავრცელა, რის გამოც ის პოლიციაში დაიბარეს და სიცრუეში დასდეს ბრალი.

ის კორონავირუსით 12 იანვარს დაინფიცირდა და კლინიკაში მოათავსეს. ექიმების ინფორმაციით, მას ვირუსი პაციენტებისგან გადაედო.