გიორგი ყიფშიძეს ვაჟი შეეძინა - "კოსმო ყიფშიძე... ბედნიერების ბიჭია"

მსახიობ გიორგი ყიფშიძესა და მის 24 წლის ცოლს, ენი გასოევას ვაჟი შეეძინათ. ამის შესახებ საზოგადოებას გიორგის უფროსმა ქალიშვილმა, ნატალია ყიფშიძემ შეატყობინა.

ნატალიამ ამ ამბის შესახებ "ფეისბუქის" პირად გვერდზე დაწერა. როგორც მისი პოსტიდან ირკვევა, ახალშობილს კოსმო დაარქვეს.

"კოსმო ყიფშიძე..

3200 გრ

ბედნიერების ბიჭია!!!!!" - წერს ნატალია.

გიორგი და ენი სოციალურ ქსელში მილოცვებს იღებენ.

გიორგისთვის კოსმო მესამე შვილია. მას უფროსი ქალიშვილი, 18 წლის ნატალია კრისტი ყიფშიძესთან ქორწინებიდან ჰყავს, მეორე ქორწინებისას კი ვაჟი, ალექსანდრე შეეძინა.

ენი გასოევა წარმოშობით ოსია, ის ლონდონში სწავლობდა და საქართველოში დაბრუნების შემდეგ გიორგი ყიფშიძეზე დაქორწინდა.