ავტორი:

"შევედით პალატაში, თვალები ღია ჰქონდა, გვიყურებდა, თუმცა საუბარი არ შეეძლო" - რას წერს კოკო გამსახურდია ძმის მდგომარეობაზე

"შევედით პალატაში, თვალები ღია ჰქონდა, გვიყურებდა, თუმცა საუბარი არ შეეძლო" - რას წერს კოკო გამსახურდია ძმის მდგომარეობაზე

კონსტანტინე გამსახურდია ძმის, ცოტნე გამსახურდიას ჯანმრთელობის მდგომარეობის შესახებ სოციალურ ქსელში უახლეს ინფორმაციას აქვეყნებს:

"ახლახანს გამოვედით ისტანბულის აჯიბადემის კლინიკიდან, სადაც ამ სტრიქონების ავტორი და ჩემი ძმა, გიორგი შევხვდით ქალბატონებს, ფეიზა ოზთურქს, საავადმყოფოს დირექტორის მოადგილეს და ჰილალ ჩატალს, საერთაშორისო პაციენტების დეპარტამენტის დირექტორს, ასევე აჯიბადემის კლინიკის სათავო ოფისის წარმომადგენელს, ბატონ ოსმან შეიხოღლუს. მოვისმინეთ ინფორმაცია ჩვენი ძმის, ცოტნეს მდგომარეობის შესახებ.

მკურნალობა არის აქტიურ ფაზაში, ახლო მომავალში ვარაუდობენ რეაბილიტაციის დაწყებას. მდგომარეობა რაც მთავარია, კონტროლქვეშაა, არის გარკვეული პროგრესი, მიუხედავად საერთო მძიმე სურათისა. ამის შემდეგ შევედით ცოტნეს პალატაში. მას თვალები ღია ჰქონდა, გვიყურებდა, თუმცა საუბარი არ შეეძლო ყელში ჩადგმული ტრაქეოსტომის გამო.

როდესაც მარცხენა ხელში ხელი ჩავუდე და ვუთხარი, მომიჭირე მეთქი, მან ხელი მომიჭირა, ასევე ჩემს ძმასაც. ანალოგიურად ოდნავ ამოძრავებდა მარჯვენა ხელის ერთ თითს და ფეხის ორ თითსაც, რაც გარკვეული წინსვლაა.

დიდი მადლობა კლინიკის ექიმებს, აკეთებენ რა ყველაფერს საბოლოო შედეგის მისაღწევად. უნდა ითქვას, რომ კლინიკა მართლაც უმაღლესი სტანდარტისაა. ასევე დიდი მადლობა ქართულ სახელმწიფოს და მთავრობას, რომელსაც ამ საკითხში ერთი ნაბიჯითაც არ დაუხევია უკან", - წერს კონსტანტინე გამსახურდია.

შეგახსენებთ, ცოტნე გამსახურდია 19 დეკემბერს დაჭრეს. მისი დაჭრის ფაქტზე 4 პირია დაკავებული. ცოტნე გამსახურდიას თურქეთის კლინიკაში მკურნალობენ.

"სუხიშვილები" ევროპულ ტურნეს და თბილისში კონცერტებს აუქმებს - "გასტროლებზე მყოფ დასის არც ერთ წევრს არ აღენიშნება ვირუსის სიმპტომები"

"ოკუპანტის ტანკს ვერ ხედავთ, კორონას დაინახავთ? თქვენი დედები მომიკითხია..." - კარანტინში გადაყვანილი ექიმი კოლეგებს და ჯანდაცვის სისტემას ლანძღავს

"უნდა გენახათ ექიმების ემოციები, როცა უარყოფითი პასუხი ამოიკითხეს..." - რას ყვება "იმედის" წამყვანი, რომელიც თვითიზოლაციაშია