"იცეკვე ისე, თითქოს არავინ გიყურებს" - Reuters-ის ფოტო კორონავირუსის გამო დაცარიელებული ტაიმზ-სკვერიდან

კორონავირუსის გამო, ერთ დროს ყველაზე ხალხმრავალი ქალაქები დღეს დაცარიელებულია. ადამიანები სახლებში რჩებიან, რადგანაც ჯერჯერობით ვირუსის გავრცელების თავიდან ასაცილებლად ეს ერთადერთი გზაა.

ადამიანებისგან დაცლილია მსოფლიოს ერთ-ერთი ყველაზე ხალხმრავალი ქალაქიც ნიუ-იორკიც. სააგენტო Reuters კი ქალაქის ცენტრალურ ადგილას, ტაიმზ-სკვერზე გადაღებულ ფოტოს აქვეყნებს, რომელზეც აირწინაღიანი მოცეკვავეა აღბეჭდილი.

ფოტოზე პროფესიონალ მოცეკვავეს, ეშლი მონტეგს ხედავთ, რომელსაც აირწინაღი უკეთია და გაუკაცრიელებულ ტაიმზ-სკვერზე ცეკვავს. სურათის ავტორი ფოტოგრაფი ენდრიუ კელია.

აშშ-ში კორონავირუსით სულ 26 908 ადამიანი დაინფიცირდა, 348 პაციენტი გარდაიცვალა, 2 125 კი გამოჯანმრთელდა.