ავტორი:

ესპანეთის კლინიკებში ადგილები აღარ ჰყოფნით - საგამოფენო დარბაზში საველე ჰოსპიტალი მოეწყო (ფოტოები)

ესპანეთის კლინიკებში ადგილები აღარ ჰყოფნით - საგამოფენო დარბაზში საველე ჰოსპიტალი მოეწყო (ფოტოები)

მსოფლიოში კორონავირუსით ინფიცირებულთა რაოდენობა დღითიდღე იმატებს. ზოგიერთ ქვეყანაში უკვე დაავადებული პაციენტების მისაღებად კლინიკები არ ჰყოფნით.

მაგალითად, სხვადასხვა ესპანურმა გამოცემებმა გაავრცელეს ვიდეომასალა, რომელზეც ჩანს, რომ მადრიდის ერთ-ერთი საავადმყოფო გადავსებულია და პაციენტები დერეფნებში სკამებზე სხედან, მათი ნაწილი დერეფნებშივე მოთავსებულ საწოლებზეა დაწოლილი ზოგიც იატაკზე.

ექსპერტები სიტუაციის კიდევ უფრო გამწვავებას ელოდებიან და კიდევ უფრო დიდი ეპიდაფეთქებისთვის ემზადებიან.

ესპანეთის პრემიერ -მინისტრმა, პედრო სანჩესმა მიმართა საზოგადოებას და განაცხადა, რომ რთული დღეები წინ არის.

„ყველაზე ცუდი ჯერ არ მომხდარა და კრიტიკულ სიტუაციაში ვართ", - განაცხადა პრემიერმა.

მადრიდში, Ifema-ს საგამოფენო კომპლექსი საველე ჰოსპიტლად გადაკეთდა და იქ უკვე მიიღეს პირველი პაციენტები. ჰოსპიტალის ამსახველ ფოტოებს Dailymail.com ავრცელებს

ესპანეთში ბოლო მონაცემებით კორონავირუსით 28 603 ადამიანი დაინფიცირდა, გარდაიცვალა 1 756 ადამიანი, ხოლო გამოჯანმრთელდა 2 125 პაციენტი.

თურქეთში კორონავირუსით ინფიცირებულია 1 236 ადამიანი - ბოლო მონაცემები საქართველოს მეზობელი ქვეყნებიდან

ანგელა მერკელი კარანტინში გადაიყვანეს

პლასიდო დომინგოს კორონავირუსი დაუდასტურდა