ავტორი:

"გინახავთ ოდესმე მდგომარეობიდან გამოსული პაატა იმნაძე? გამოიყვანეს..." - ამირან გამყრელიძე

"გინახავთ ოდესმე მდგომარეობიდან გამოსული პაატა იმნაძე? გამოიყვანეს..." - ამირან გამყრელიძე

"პაატაც და მეც პოლიტიკურ სიბინძურეში ჩაგვითრიონ. არა ბატონო!" - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა.

იგი მისი მოადგილის განცხადებას გამოეხმაურა და აღნიშნა, რომ არც თვითონ და არც პაატა იმნაძე პოლიტიკურ დისკუსიებში შესვლას არ აპირებენ.

"არც მე და არც პაატა, არც პაატა და არც მე პოლიტიკურ დისკუსიებში არ შევდივართ. ჩვენ აპოლიტიკური პიროვნებები ვართ, მიუხედავად იმისა, რომ სხვადასხვა მთავრობების დროს გვიმუშავია და ჩვენს მოვალეობას ხალხისა და სახელმწიფოს წინაშე ორივე პატიოსნად ვასრულებთ.

ჩვენც გვაქვს ხო რაღაცის ზღვარი? გინახავთ ოდესმე მდგომარეობიდან გამოსული პაატა იმნაძე? გამოიყვანეს... უნდათ, რომ პაატაც და მეც პოლიტიკურ სიბინძურეში ჩაგვითრიონ. არა ბატონო! ვინც დღეს ამ სიბინძურეებს საუბრობს, მათზე იცით რამდენი რამე ვიცი? რამდენი ინფორმაცია მაქვს, თუ რას როგორ ვერ აკეთებდნენ თავის დროზე. გამოვდივარ და ვსაუბრობ? არ არის ახლა ამის დრო!" - ამბობს გამყრელიძე.

დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ დღეს განაცხადა, რომ მისი პოლიტიკაში გარევა უნდათ.

"თავი დამანებონ! იმდენი რამე ვიცი და იმდენ ვიღაცაზე, ჭკვიანები ხომ არიან იმ ბანაკში?! ხომ იციან მათაც, რომ ბევრი რამე ვიცი?!. ხელი რატომ ვერ მახლეს, ხომ ახსოვთ? რომ ენდი ვებერი ჩემი ძმაკაცი იყო, ამერიკის თავდაცვის მინისტრის მოადგილე.

გაჩუმდნენ, თორემ ავლაპარაკდები... ვაფრთხილებ, დაეტიონ თავის ადგილას და სახლში დარჩნენ. ქვეყანას დღეს ეს სჭირდება" - აღნიშნა იმნაძემ ტელეკომპანია "პირველის" ეთერში საუბრისას.

წამყვანის კითხვაზე, ის პოლიტიკოსებზე ბრაზობს თუ არა, იმნაძე პასუხობს: "იციან კარგად, ვიზეც ვილაპარაკე".

კლინიკაში მოთავსებული 2 ჩვილის მდგომარეობა სტაბილურად მძიმეა, ერთის კი უკეთესი - ლალი ტურძელაძე პაციენტების მდგომარეობაზე

"ერთ-ერთმა მოქალაქემ იყიდა ქლოროქინის განსხვავებული ფორმა და დაიღუპა" - აშშ-ში მცხოვრები ექიმი კორონავირუსის მკურნალობის მითებსა და თვითმკურნალობის მავნებლობაზე

საქართველოში კორონავირუსით ინფიცირებული 18 ადამიანი გამოჯანმრთელდა, მათ შორის 2 ბავშვია - როგორია ახალი მონაცემები