დღის ფოტო - პირველი საუნივერსიტეტო კლინიკის ექიმების შესვენება

სოციალურ ქსელში ვრცელდება ფოტო, რომელზეც თსსუ-ს პირველი საუნივერსიტეტო კლინიკის ექიმები არიან აღბეჭდილნი. ექიმები 24 საათის განმავლობაში კორონავირუსით ინფიცირებული პაციენტების გამოსაჯანმრთელებლად, დაძაბულ რეჟიმში მუშაობენ.

ფოტოს, რომელიც კლინიკის ერთ-ერთმა თანამშრომელმა გადაიღო, უამრავი დადებითი გამოხმაურება მოჰყვა. საზოგადოება ექიმებს მადლობას უხდის და გამძლეობას უსურვებს.

საუნივერსიტეტო კლინიკაში ამჟამად 83 პაციენტი წევს, აქედან 19 კორონავირუსით ინფიცირებულია, დანარჩენი კი სატესტო რეჟიმში იმყოფება. მთელი ქვეყნის მასშტაბით ყველაზე მძიმე პაციენტი, რომელიც ამ კლინიკაში იწვა - 47 წლის ქალი ორმხრივი მწვავე პნევმონიით, სუნთქვის მწვავე უკმარისობით, მწვავე რესპირატორული სინდრომით და თანმდევი ქრონიკული დაავადებებით, ამ საავადმყოფოდან დღეს გაწერეს.