"თუ მსოფლიო COVID-19-თან ბრძოლაში არ გაერთინდება, უარესი წინ არის" - ჯანდაცვის მსოფლიო ორგანიზაციის ხელმძღვანელი

"თუ მსოფლიო კორონავირუსთან ბრძოლაში არ გაერთინდება, ყველაზე უარესი კიდევ წინ არის" - ამის შესახებ ჯანდაცვის მსოფლიო ორგანიზაციის ხელმძღვანელმა, ტედროს ადჰანომ გაბრეიესუსმა განაცხადა.

გაბრეიესუსმა კორონავირუსის პანდემია 1918 წლის "ისპანკას" ეპიდემიას შეადარა, რომელმაც მსოფლიოს მასშტაბით მილიონობით ადამიანის სიცოცხლე იმსხვერპლა.

"ერთობის გარეშე, გლობალური სოლიდარობის გარეშე, დაგვიჯერეთ, რომ ყველაზე უარესი ჯერ კიდევ წინ არის. ტრაგედია თავიდან უნდა ავიცილოთ. ეს ის ვირუსია, რომელსაც ბევრი ადამიანი ჯერ კიდევ ვერ აცნობიერებს.

გავითვალისწინოთ ის ადამიანები, ვინც ვირუსის გამო კვდებიან, ეს არ არის ციფრები, ისინი ინდივიდები არიან. ერთი სიცოცხლეც კი ძვირფასია" - აღნიშნა გაბრეიესუსმა ბრიფინგის დროს.

ცნობისთვის, მსოფლიოს მასშტაბით კორონავირუსით ინფიცირებულთა დადასტურებული რაოდენობა 2,5 მილიონს აღწევს. ვირუსს გლობალურად 170 482 ადამიანი ემსხვერპლა.