ავტორი:

ბრაზილიაში კორონავირუსით გარდაცვლილთათვის ასობით საფლავს ექსკავატორებით თხრიან (ფოტოები)

ბრაზილიაში კორონავირუსით გარდაცვლილთათვის ასობით საფლავს ექსკავატორებით თხრიან (ფოტოები)

ბრაზილიის ქალაქ მანაუსში კორონავირუსით გარდაცვლილების დასაკრძალად ექსკავატორებით მასობრივად თხრიან საფლავებს, - ამის შესახებ ინფორმაციას CNN ავრცელებს.

ქალაქის მერი, ვირჯილიო ნეტო აცხადებს, რომ კორონავირუსის გამო მანაუსში სიკვდილიანობის მაჩვენებელი გასამმაგდა და ყოველდღიურად 100-ზე მეტი ადამიანის დაკრძალვა უწევთ.

"აღნიშნული ზომის მიღება აუცილებელი იყო იმისთვის, რომ კორონავირუსით დაღუპული ადამიანების დაკრძალვა წესების დაცვით გაგვეხორციელებინა,“- აცხადებს მანაუსის მერი "სიენენთან“ საუბარში.

მისივე თქმით, ქალაქის სამედიცინო სისტემა პაციენტების მომსახურებას ვეღარ ახერხებს და ადამიანები სახლებში იღუპებიან.

"მიუხედავად იმისა, რომ ასეთ კრიტიკულ სიტუაციაში ვიმყოფებით, ფედერალური მთავრობისგან არანაირი დახმარება მიგვიღია,“ - აღნიშნავს ვირჯილიო ნეტო.

კორონავირუსით გარდაცვლილთა დასაკრძალად ბრაზილიაში მანამდე ქალაქ ვილა ფორმოსას სასაფლაოზეც გათხარეს ბევრი საფლავი. ფოტოები კი Reuters-მა და Daily Mail-მა გაავრცელა.

ბოლო მონაცემებით, ბრაზილიაში კორონავირუსის 43 000-ზე მეტი შემთხვევაა დადასტურებული, დაღუპულია 2 741 ადამიანი.

რა ხდება მსოფლიოში კორონავირუსის გარდა - 8 მნიშვნელოვანი ამბავი, რომელიც პანდემიის გამო შესაძლოა, გამოგვრჩა

ISIS-ის განსაკუთრებით საშიში მებრძოლი, ლონდონელი რეპერი-ტერორისტი ესპანეთში დააკავეს

რუსული ელიტის ცნობილი სახეები, რომელთაც კორონავირუსი დაუდასტურდათ