"კორონავირუსით გარდაცვლილი მე-9 პაციენტი რამდენიმე კვირის წინ დაინფიცირებული სპორტსმენის დედაა" - ლალი ტურძელაძე

პირველი საუნივერსიტეტო კლინიკის კლინიკური დირექტორის, ლალი ტურძელაძის ინფორმაციით, საქართველოში კორონავირუსით გარდაცვლილი მე-9 პაციენტი რამდენიმე კვირის წინ დაინფიცირებული სპორტსმენის დედაა.

მისივე თქმით, მას ქრონიკული დაავადებები აწუხებდა და უმძიმესი პაციენტი იყო.

„კარგა ხანი იწვა ჩვენთან. ცნობილი ქალბატონია სპორტსმენთან დაკავშირებული ოჯახიდან,“ - განაცხადა ლალი ტურძელაძემ „რუსთავი 2“-თან საუბარში და შეკითხვაზე, არის თუ არა გარდაცვლილი დაინფიცირებული სპორტსმენის დედა, დადებითი პასუხი გასცა.

შეგახსენებთ, 33 წლის სპორტსმენი აპრილის დასაწყისში დაინფიცირდა. ის სამეგრელოს რამდენიმე მუნიციპალიტეტსა და სოფელში იმყოფებოდა, რის გამოც ათეულობით ადამიანი კარანტინსა ან თვითიზოლაციაში გადავიდა.

• კორონავირუსით გარდაცვლილი მე-9 პაციენტი საუნივერსიტეტო კლინიკაში მკურნალობდა - რას ყვება ლევან რატიანი პაციენტის შესახებ