კურიოზი პირდაპირ ეთერში - ABC-ის ჟურნალისტი გადაცემაში პიჯაკით და უშარვლოდ ჩაერთო

ჩვენ უკვე აღარ ვიცით კარანტინის მერამდენე დღეა და მერამდენე დილას ვიწყებთ სახლიდან მუშაობით. ასეთ პირობებში უმნიშვნელოვანესია, რომ ონლაინ თათბირებზე, შეხვედრებზე სამოსის ჩაცმა არ დაგავიწყდეთ და ოფიციალურ შეხვედრაზე პიჟამაში გამოწყობილი არ წარსდგეთ.

უკვე არის არაერთი მსგავსი სახალისო შემთხვევა. ერთ-ერთი ბოლო ამბავი კი ABC News-ის რეპორტიორს, უილ რივს უკავშირდება. უილი პირდაპირ ეთერში ჩაერთო. ერთი შეხედვით მას პიჯაკი აცვია და ოფიციალური სტილი აქვს.

თუმცა როგორც ვიდეოდან ჩანს, სახლიდან ჩართვის დროს მას რაღაც ძალიან მნიშვნელოვანის ჩაცმა დაავიწყდა - შარვლის.

<iframe width="560" height="315" src="https://www.youtube.com/embed/zv0ELvPE_eo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

როგორც CNN წერს, რივს "დილა მშვიდობისა ამერიკას" ეთერში ჰქონდა ჩართვა, ის კორონავირუსზე, მედიკამენტზე და აღნიშნულთან დაკავშირებულ საკითხებზე საუბრობდა, ისე იჯდა, რომ მხოლოდ ტანის ზედა ნაწილი გამოჩენილიყო, მაგრამ კადრში რეპორტიორის შიშველი ფეხიც მოხვდა.

აღნიშნულის ამსახველი ვიდეოჩანაწერი ვირუსულად გავრცელდა სოციალურ ქსელებში და ადამიანები გაამხიარულა.

ჰეი, უილ, არ გინდა რამე ჩაიცვა?

ესწრება წვეულებას შარვლის გარეშე

ბიზნესი წელსზემოთ, წვეულება წელსქვემოთ - წერენ "ტვიტერზე" ვიდეოს კომენტარებში.