დღის ფოტო: როგორ ელოდება ამირან გამყრელიძე კორონავირუსის ტესტის პასუხებს

დაავადებათა კონტროლის და საზოგადოებრივი ჯანმრთელობის ეროვნული ცენტრის PR მენეჯერი ნინო მამუკაშვილი "ფეისბუქის" პირად გვერდზე ამირან გამყრელიძის ფოტოს აქვეყნებს.

ფოტოზე ცენტრის ხელმძღვანელი ლუგარის ლაბორატორიაშია გადაღებული - ლაბორატორიის მინის მიღმა უყურებს სამუშაო პროცესს და კორონავირუსზე ჩატარებული ტესტების პასუხებს ელოდება.

30 აპრილის მდგომარეობით, საქართველოში COVID-19-ზე ტესტირებულია 16 000-ზე მეტი ადამიანი. მათი უმრავლესობის, დაახლოებით 80%-ის ტესტირება სწორედ ლუგარის ლაბორატორიაში მოხდა. ბოლო დღეების განმავლობაში, ტესტირება დღეში მინიმუმ 800 ადამიანს უტარდება.

4 მაისის მონაცემებით საქართველოში კორონავირუსით ინფიცირების შემთხვევებმა 593-ს მიაღწია, მათგან გამოჯანმრთელდა 223 ადამიანი, 9 - გარდაიცვალა.