ავტორი:

ხალხით გადაჭედილი სანაპიროები და პარკები - რა ხდება დიდ ბრიტანეთსა და აშშ-ში, სადაც COVID-19-ს ათიათასობით ადამიანი ემსხვერპლა

ხალხით გადაჭედილი სანაპიროები და პარკები - რა ხდება დიდ ბრიტანეთსა და აშშ-ში, სადაც COVID-19-ს ათიათასობით ადამიანი ემსხვერპლა

დიდი ბრიტანეთის პერმიერ-მინისტრმა ბორის ჯონსონმა გასულ კვირას განაცხადა, რომ მომდევნო კვირების განმავლობაში კარანტინი ეტაპობრივად შემსუბუქდება. ბრიტანელებს ახალი წესების თანახმად, უფლება აქვთ სავარჯიშოდ და სასეირნოდ წავიდნენ, თუმცა ჯგუფურად არა. მათ 2 მეტრიანი სოციალური დისტანციის დაცვა მოეთხოვებათ.

ჯონსონის თქმით, ადამიანებს შეუძლიათ წავიდნენ სანაპიროზე, მიიღონ მზის აბაზანები, იყონ საჯარო სივრცეში შეუზღუდავი დროით, თუმცა აუცილებლად უნდა დაიცვან სოციალური დისტანცია.

ამ განცხადებიდან მეორე დღეს ბრიტანელები პლაჟებს მიაწყდნენ, თუმცა როგორც ფოტოებიდან ჩანს, იმდენი ადამიანია ერთად, რომ სოციალური დისტანციის დაცვა პრაქტიკულად შეუძლებელია.

ნახეთ, "გარდიანის" ფოტორეპორტაჟი:

ნიშანი, რომელიც მოქალაქეებს აფრთხილებს, რომ დაიცვან სოციალური დისტანცია
ედინბურგი, შოტლანდია - მოქალაქეები მაისის მზეს ეფიცხებიან
ბორნმუთი, ინგლისი
ბრაიტონი, ინგლისი
ფოტო ჩრდილოეთ იორკშირიდან
იორკშირი, დასასვენებლად მიმავალი ადამიანების მანქანების კოლონა
ბორნმუთი, ინგლისი
ბოლტონის სააბატო

აღსანიშნავია, რომ დიდი ბრიტანეთი COVID-19-ით ინფიცირებულთა რაოდენობის მიხედვით, მსოფლიოში მეხუთე ადგილზეა. იქ ბოლო მონაცემებით, კორონავირუსით, 261 184 ადამიანი დაინფიცირდა, მათ შორის 36 914 პაციენტი გარდაიცვალა.

კორონავირუსის საფრთხის მიუხედავად, სოციალური დისტანციის წესი დაარღვიეს აშშ-შიც - გასულ შაბათ-კვირას, როცა ხსოვნის დღის აღსანიშნავად (ფედერალური დასვენების დღე, რომელიც ეძღვნება ამერიკის შეიარაღებულ ძალებში სამსახურისას დაღუპული ადამიანების მოგონებას), სანაპიროებს, აუზებსა და პარკებს ათასობით ადამიანი ესტუმრა.

ხსოვნის დღე აშშ-ში, ტრადიციულად, ზაფხულის დაწყების მანიშნებელია. მიუხედავად იმისა, რომ ქვეყანაში ამ დროისთვის კორონავირუსით 100 ათასამდე ადამიანია გარდაცვლილი, ადამიანები ყოველგვარი წესების გარეშე გადაადგილდებოდნენ, არ იცავდნენ სოციალურ დისტანციას.

ვიდეო, სადაც ჩანს, თუ რა ხდებოდა შტატებში "უიქენდზე"

<blockquote class="twitter-tweet"><p lang="en" dir="ltr">No covid concerns at the lake of the ozarks😳 <a href="https://twitter.com/hashtag/loto?src=hash&amp;ref_src=twsrc%5Etfw">#loto</a> <a href="https://t.co/Yrb4UNM64u">pic.twitter.com/Yrb4UNM64u</a></p>&mdash; Scott Pasmore (@scottpasmoretv) <a href="https://twitter.com/scottpasmoretv/status/1264394565861232640?ref_src=twsrc%5Etfw">May 24, 2020</a></blockquote> <script async src="https://platform.twitter.com/widgets.js" charset="utf-8"></script>
აშშ, კალიფორნია, ვენეციის სანაპირო - ფოტო გასულ კვირასაა გადაღებული

ბოლო ინფორმაციით, აშშ-ში COVID-19-ით 1 700 000-ზე მეტი ადამიანია დაინფიცირებული და 100 000-მდე მსხვერპლი.

ამასთან, ჯანდაცვის მსოფლიო ორგანიზაცია აცხადებს, რომ თუკი ქვეყნები, სადაც კორონავირუსის გავრცელებამ უკან დაიხია, ეპიდემიის შესაჩერებლად საჭირო ზომებს დროზე ადრე შეწყვეტენ, ისინი მეორე ტალღის საფრთხის წინაშე მალე დადგებიან.

"უნდა გავაცნობიეროთ ის ფაქტი, რომ დაავადებამ, შესაძლოა, ნებისმიერ დროს დაიწყოს აღმასვლა. არ უნდა ვიფიქროთ, რომ რადგან დაავადებამ უკან დაიხია, ეს ასე შენარჩუნდება და მეორე ტალღისთვის მოსამზადებლად წინ თვეები გვაქვს. შესაძლოა, მეორე ტალღა ამ ტალღაშივე მივიღოთ" - განაცხადა ჯანმო-ს წარმომადგენელმა მაიკ რაიანმა.

რა პასუხი აქვს ბილ გეითსს შეთქმულების თეორიაზე, რომ თითქოს კორონავირუსის ვაქცინით "მსოფლიოს ჩიპირებას" გეგმავს

პანდემიის მოდა - რუმინელმა მეწაღემ "დისტანციური ფეხსაცმელი" შექმნა

ნორვეგიაში მეწყერმა 8 სახლი ზღვაში ჩაიტანა - დაუჯერებელი ფოტო და ვიდეოკადრები