ავტორი:

"დავუშვი უნებლიე შეცდომა..." - როგორ განმარტავს თენგიზ ცერცვაძე განცხადებას, რომ საქართველოში 370 000-მდე ადამიანს კორონავირუსი გადატანილი აქვს

"დავუშვი უნებლიე შეცდომა..." - როგორ განმარტავს თენგიზ ცერცვაძე განცხადებას, რომ საქართველოში 370 000-მდე ადამიანს კორონავირუსი გადატანილი აქვს

ინფექციური საავადმყოფოს დირექტორის თენგიზ ცერცვაძის მიერ ტელეკომპანია "კავკასიის" ეთერში გაკეთებული განცხადება შეშფოთების საგანი გახდა, რის გამოც დღეს ცერცვაძეს განმარტების გაკეთება მოუხდა.

მან გუშინ ეთერში განაცხადა, რომ თბილისში ატარებენ მცირე კვლევას იმ ადამიანების გამოსავლენად, რომლებმაც უკვე გადაიტანეს ვირუსი და აღმოჩნდა, რომ 6-დან 10 პროცენტამდე პირს ვირუსი გადატანილი აქვს, რაც საქართველოს მოსახლეობის რაოდენობის გათვალისწინებით 222-370 ათას ადამიანს უდრის.

სწორედ ამ განცხადების შესახებ გააკეთა ცერცვაძემ განმარტება და აღნიშნა, რომ მექანიკური შეცდომა დაუშვა:

"გუშინ "კავკასიის" ეთერში ვთქვი, რომ ვატარებთ მცირე კვლევას ჯანმრთელ მოსახლეობაში, ათას კაცზე, ეს კვლევა ჯერ არ არის დასრულებული და არ გვაქვს საბოლოო შედეგები, მაგრამ დავუშვი ერთი უნებლიე, ტექნიკური შეცდომა, როცა ვთქვი, რომ წინასწარი მონაცემებით გვყავს 6-10%, არადა უნდა მეთქვა 6-10 ადამიანი და არა პროცენტი.

ეს გაითვალისწინეთ ყველამ, რომ ამ კვლევაში ჩართული 1000 კაციდან, გვყავს 6-10 ადამიანი, დაახლოებით 0.6% გამოკვლეულების. თუმცა, შედეგები ჯერ კიდევ მუშავდება, შეიძლება პროცენტი ცოტათი შემცირდეს, ან გაიზარდოს.

კვლევა ჩავატარეთ თბილისის ჯანმრთელ, ზრდასრულ მოსახლეობაში, გამოვიკვლიეთ 1000 ადამიანი და მათგან 6 ადამიანს აღმოაჩნდა COVID-19-ის ანტისხეულები. კვლევა ჩატარდა სწრაფი ტესტით და არა PCR-ტესტით. ეს არ ნიშნავს, რომ ეს 6 ადამიანი ავადმყოფია, ისინია არიან სეროპოზიტიურები ანუ მათ აქვთ ანტისხეულები.

კვლევა მთელ საქართველოში არ ჩაგვიტარებია, ჩავატარეთ 860 000 კაციან ქალაქში 1000 კაცზე და მიღებულ იქნა 6 დადებითი შედეგი ანტისხეულებზე. ახლა უნდა მოხდეს ამ მონაცემის ექსტრაპოლაცია, ანუ გადათვლა მთელს მოსახლეობაზე.

ეს მონაცემი ბევრია თუ ცოტა? - ცოტაა, გაცილებით ცოტაა ვიდრე ეს იყო ნიუ-იორკში, სადაც იყო 21%, ლოს ანჯელესში კი 4% დაფიქსირდა. ანუ ამ ქალაქებში გაცილებით მეტია რეალური შემთხვევები, ვიდრე საქართველოში" - განმარტა ცერცვაძემ და დასძინა, რომ მსგავსი კვლევა მთელ მსოფლიოში ტარდება იმის დასადგენად, თუ რა შეფარდებაა ავადმყოფებსა და სეროპოზიტიური ადამიანების რაოდენობას შორის.

"გვეგონა, რომ თაკარა მზე ვირუსს მოკლავდა, მაგრამ ასე არ ყოფილა"  - ამირან გამყრელიძე

მიკროსიმძლავრის ელექტროსადგურის დადგმული სიმძლავრე 500 კვტ-მდე გაიზარდა

კორონავირუსის 5 ახალი შემთხვევიდან 4 სატვირთოს მძღოლია - მარინა ეზუგბაია