ავტორი:

კორონავირუსის 5 ახალი შემთხვევიდან 4 სატვირთოს მძღოლია - მარინა ეზუგბაია

კორონავირუსის 5 ახალი შემთხვევიდან 4 სატვირთოს მძღოლია - მარინა ეზუგბაია

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 5 ახალი დადასტურებული შემთხვევიდან ყველა იმპორტირებულია. როგორც ეზუგბაიამ ჟურნალისტებს განუცხადა, 5 ახალი ინფიცირებულიდან 4 სატვირთოს მძღოლია.

„დაგვემატა 5 ახალი ინფიცირების შემთხვევა და გვყავს 893. გამოჯანმრთელდა 8 პაციენტი და გვყავს 739 გამოჯანმრთელებული. კოვიდ ცენტრებში ამჟამად 140 პაციენტი მკურნალობს. 5 ახალი დადასტურებული შემთხვევიდან ყველა იმპორტირებული, ანუ შემოტანილია და აქედან 4 სატვირთოს მძღოლია,“ - აღნიშნა ეზუგბაიამ.

მისივე ინფორმაციით, გუშინ ინფექციური საავადმყოფოს 28 პაციენტი ჰყავდა და 8 გამოჯანმრთელებულიდან 7 ინფექციური საავადმყოფოს პაციენტია.

„7-მა გამოჯანმრთელებულმა პაციენტმა დატოვა ჩვენი კლინიკა. გუშინ 1 ახალი ინფიცირებული შემოგვემატა მხოლოდ, რომელიც გახლავთ სატვირთო მანქანის მძღოლი. ამ ეტაპზე ჩვენს ცენტრში 20 პაციენტი მკურნალობს, რომელთაგან მხოლოდ ერთის მდგომარეობაა საშუალოზე მძიმე. დანარჩენი პაციენტების მდგომარეობა საშუალო და მსუბუქია,“ - განაცხადა ეზუგბაიამ.

რას ამბობენ საგარეო საქმეთა სამინისტროში ელჩ ზურაბ აბაშიძის მდგომარეობაზე, რომელსაც კორონავირუსი დაუდგინდა

საქართველოში ბოლო 24 საათში კორონავირუსით ინფიცირების 2 ახალი შემთხვევა დაფიქსირდა

აფბა: კერძო კომპანიასა და კომუნიკაციების მარეგულირებელ კომისიას შორის მიმდინარე დავამ მოსახლეობის ზურგზე არ უნდა გადაიაროს