თბილისში არასრულწლოვანმა დედამ ახალშობილი ქუჩაში დატოვა

თბილისში არასრულწლოვანმა დედამ ახალშობილი ქუჩაში დატოვა. შემთხვევა გვიან ღამით გლდანში მოხდა.

ჩვილი გამთენიისას დასუფთავების სამსახურის თანამშრომლებმა იპოვეს და ადგილზე პოლიცია გამოიძახეს. მათ ახალდაბადებული ბავშვი გარდაცვლილი დახვდათ.

სამართალდამცველებმა არასრულწლოვანი დედა უკვე გამოკითხეს. ბავშვს ექსპერტიზა უტარდება.

როგორც AMBEBI.GE-ს შინაგან საქმეთა სამინისტროს პრესსამსახურში განუცხადეს, მომხდარზე გამოძიება სსკ-ის 112-ე მუხლით მიმდინარეობს, რაც დედის მიერ ახალშობილის განზრახ მკვლელობას გულისხმობს.