"მესმის საუბარი "დაჩიპვა" ვაქცინა... ვაქცინები რომ გაჩნდება, ვისაც აცრის დიდი სურვილი ექნება, ნეტავ, იმას ეყოს" - პაატა იმნაძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის პაატა იმნაძის განცხადებით, კორონავირუსის საწინააღმდეგო ვაქცინა გამოგონების შემდეგ შესაძლოა ყველა მსურველისთვისაც არ იყოს.

იმნაძემ უპასუხა სკეპტიკურად განწყობილი მოსახლეობის ნაწილს, რომლებიც აცხადებენ, რომ კორონავირუსის საწინააღმდეგო ვაქცინაცია საფრთხის შემცველი შეიძლება იყოს. როგორც მან განმარტა, მთელი მსოფლიოს საწარმოო სიმძლავრეები არ ეყოფა იმას, რომ ვაქცინები ყველა მსურველისთვის დამზადდეს. მესმის „დაჩიპვა“ ვაქცინა, ამის დაკავშირება ერთმანეთთან. რა უნდა ვთქვა ამაზე? გარდა იმისა, რომ ვაქცინები რომ გაჩნდება, ვისაც ძალიან დიდი სურვილი ექნება რომ აიცრას, ნეტავ, იმას ეყოს. ეს იქნებოდა ჩემი პასუხი. თქვენ წარმოგიდგენიათ, რამდენი მილიარდი ადამიანია დედამიწაზე? - მთელი მსოფლიოს საწარმოო სიმძლავრეები არ ეყოფა იმას, რომ ძალიან მალე დაამზადონ ეს ვაქცინები, ყველას ეყოს. ნეტავ, იმას ეყოს, ვისაც ძალიან მოუნდება რომ აიცრას“, - განაცხადა იმნაძემ.