ავტორი:

რა ხდება სომხეთის ქუჩებში მაშინ, როცა ქვეყანაში COVID-19-ით ინფიცირებულთა რაოდენობა ყოველდღიურად ასეულობით იმატებს

რა ხდება სომხეთის ქუჩებში მაშინ, როცა ქვეყანაში COVID-19-ით ინფიცირებულთა რაოდენობა ყოველდღიურად ასეულობით იმატებს

კორონავირუსის პანდემიის გამო სომხეთის საავადმყოფოებში ადგილი აღარ არის. სომხეთის პრემიერ-მინისტრმა ნიკოლ ფაშინიანმა ბრიფინგზე განაცხადა, რომ ქვეყანაში კორონავირუსით ინფიცირებული 200-მდე ადამიანი ჰოსპიტალიზაციის რიგს ელოდება. ამ ფონზე კი, ინფიცირებულთა რიცხვი ისევ მატულობს და გამოჯანმრთელებულთა რაოდენობას მკვეთრად აჭარბებს.

სომხეთში გასული დღე-ღამის განმავლობაში კორონავირუსის 195 ახალი შემთხვევა გამოვლინდა და დაინფიცირების საერთო რიცხვმა 13 000-ს გადააჭარბა. ქვეყანაში დაღუპულთა რაოდენობა კი უკვე 200-ზე მეტია.

სომხეთში საკონცერტო დარბაზში საველე ჰოსპიტალი მოაწყვეს

მოსახლეობის დიდი ნაწილი უგულებელყოფს სპეციალისტების მოწოდებას, უმძიმეს სტატისტიკას და არც თვითიზოლაციის, არც დისტანცირების წესებს იცავს. ფაშინიანმა ბრიფინგზე ისიც განაცხადა, რომ აპირებდნენ მიეღოთ გადაწყვეტილება ტოტალური კარანტინის შემოღების თაობაზე, თუმცა საბოლოო ჯამში მივიდნენ იმ დასკვნამდე, რომ ეს გადაწყვეტილება სასურველ შედეგს ვერ გამოიღებს.

კორონავირუსი პრემიერმა და მისმა ოჯახის წევრებმაც გადაიტანეს

საგანგებო მდგომარეობა სომხეთში 16 მარტს შემოიღეს და ორჯერ გააგრძელეს, ბოლოს 13 ივნისამდე. თუმცა, 18 მაისის შემდეგ ქვეყანაში ფაქტობრივად ყველა დაწესებულება მუშაობს, მოძრაობს ტრანსპორტი და მუშაობს საბავშო ბაღებიც კი.

სომხეთის პრემიერი "ფეისბუქის" ოფიციალურ გვედზე აქვეყნებს "მამხილებელ" ფოტოებს, რომლებზეც სომხეთის სხვადასხვა ქალაქში გადაღებული ურჩი მოქალაქეები არიან, რომლებიც იხდიან დაბადების დღეებს, იკრიბებიან ეზოებში, აღნიშნავენ დღესასწაულებს რესტორნებში და ა.შ.

დაკრძალვას სომხეთის ერთ-ერთ სოფელში ათობით ადამიანი ესწრება

რიგი დისტანციის დარღვევით, სომხეთის ერთ-ერთ საავადმყოფოში
ქვეყნის უმძიმესი მდგომარეობა მშობლებს ხელს არ უშლით, შვილებს ხალხმრავალი დაბადების დღეები გადაუხადონ
სალონებში ყოველგვარი წესების დარღვევით ემსახურებიან კლიენტს
ვანაძორის ერთ-ერთი ქარხნის თანამშრომლები ასე მიჰყავთ სახლში სამსახურის დასრულების შემდეგ

თუმცა, ფაშინიანი იმ მოქალაქეების ფოტოებსაც აქვეყნებს, რომლებიც კორონავირუსის საპრევენციო წესებს პატიოსნად იცავენ.

ერთ-ერთი კომპანიის თანამშრომლები დისტანციის დაცვით ელოდებიან ავტობუსს, რომელმაც სახლებში უნდა წაიყვანოს ისინი
სომეხი მოქალაქეები დისტანციას იცავენ ბანკთან

აზერბაიჯანი სომხეთს ატომურ ელექტროსადგურზე დარტყმით დაემუქრა

"აია-სოფიაში ცოცხლად გრძნობ, რომ სულ სხვა ძალები მოქმედებს" - მსოფლიოს ერთ-ერთი ყველაზე საკრალური ადგილის ისტორია და მომავალი

ბელგიის ჯანდაცვის მინისტრი უცნაური პირბადის წყალობით ინტერნეტვარსკვლავი გახდა