ფოტოები თურქეთის პროვინციიდან, სადაც მიწისძვრას ნგრევა და მსხვერპლი მოჰყვა

თურქეთის აღმოსავლეთით გუშინ მომხდარი 5.7 მაგნიტუდის მიწისძვრის შედეგად, ერთი ადამიანი დაიღუპა და 18 დაშავდა. ინფორმაციას თურქული მედია ავრცელებს. მიწისძვრა ბინგოლის პროვინციაში მოხდა.

მედიის ცნობით, ერთი ადამიანი გარდაიცვალა სოფელ კაინპარნარში, საპოლიციო განყოფილების კუთვნილი სადამკვირვებლო კოშკის ჩამონგრევის შედეგად.

ამასთან, როგორც ბინგოლის პროვინციის გუბერნატორმა განაცხადა, მიწისძვრამ დააზიანა რამდენიმე სახლი. წინასწარი ინფორმაციით, საუბარია 10 შენობაზე.

თურქეთის ვიცე-პრეზიდენტი და შს მინისტრი უკვე ჩავიდნენ პროვინციაში, რათა არსებული ვითარება შეისწავლონ.

ადგილობრივი მედიის ინფორმაციით, მიწისქვეშა ბიძგები იგრძნობოდა მეზობელ პროვინციებში, მათ შორის ერზურუმში, ტრაპიზონში, ერზანკანში, დიბირისტში, სიირტში, ელიაზიგში და მალატიაში.

სამძებრო-სამაშველო ღონისძიებები მიწისძვრის ეპიცენტრში გრძელდება.