საქართველოში ბოლო 24 საათში კორონავირუსით ინფიცირების 2 ახალი შემთხვევა დაფიქსირდა

საქართველოში 24 საათში კორონავირუსით ინფიცირების შემთხვევათა რაოდენობა 2-ით გაიზარდა და 895 გახდა.

განახლებული ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე განთავსდა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 2 ახალი შემთხვევიდან 1 შემოტანილი, მე-2 კი უკვე დადასტურებულთან კონტაქტია.

საქართველოში კორონავირუსისგან 741 ადამიანია გამოჯანმრთელებული. კარანტინის რეჟიმშია 2855 ადამიანი, ხოლო სტაციონარში მეთვალყურეობის ქვეშ 264 პირი. ქვეყანაში კორონავირუსით 14 ადამიანი გარდაიცვალა.

ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.