დრამატული ფოტოები მექსიკიდან, სადაც დამანგრეველ მიწისძვრას სულ მცირე 6 ადამიანი ემსხვერპლა

მექსიკაში, ოახაკას შტატში მომხდარ მიწისძვრას სულ მცირე 6 ადამიანის სიცოცხლე შეეწირა, რამდენიმე კი დაშავდა, - ამის შესახებ ინფორმაციას "როიტერსი“ ავრცელებს.

გამოცემის ცნობით, მიწისძვრამ შტატის მთიან რაიონებში მდებარე სოფლებში ნგრევა გამოიწვია.

აშშ-ის გეოლოგიური სამსახურის ინფორმაციით, მიწისძვრის ეპიცენტი ქალაქ სან პედრო პოჩუტლას ჩრდილო-აღმოსავლეთით 69 კილომეტრში იყო, მისმა სიმძლავრემ კი 7.4 მაგნიტუდა შეადგინა.

ცნობისათვის, მიწისძვრა ოახაკას შტატში, ადგილობრივი დროით 10:29 საათზე მოხდა. მიწისქვეშა ბიძგები იგრძნობოდა დედაქალაქ მეხიკოშიც, რომელიც ეპიცენტრიდან რამდენიმე ასეული კილომეტრითაა დაშორებული.