89 წლის მილიარდერს 44 წლის ცოლმა შვილი გაუჩინა

"ფორმულა 1“-ის ყოფილი ბოსი, მილიარდერი ბერნი ეკლსტოუნი 89 წლის ასაკში კიდევ ერთხელ გახდა მამა. მას ვაჟი, ეისი შეეძინა. ამის შესახებ sky.com წერს.

მილიარდერისთვის ეს მეოთხე შვილი და პირველი ვაჟია. ბერნიმ თავისი განცდების შესახებ Blick magazine-თან ისაუბრა. "ჩვენ ვაჟი შეგვეძინა, ძალიან ამაყი ვარ“, - ამბობს ის.

მისი 44 წლის ცოლის, ფაბიანა ფლოსის თქმით კი, ძალიან მარტივად იმშობიარა. "მადლობა ღმერთს, ყველაფერი 25 წუთში დამთავრდა“, - ამბობს ფაბიანა.

ეკლსტოუნს სამი ქალიშვილი ჰყავს თავისი წინა პარტნიორებისგან - დებორა, პეტრა და თამარა ეკლსტოუნები. მათგან უფროსი, დებორა 65 წლისაა, რომელიც პირველი ცოლისგან ჰყავს, მეორე ცოლთან შეეძინა თამარა და პეტრა. თამარა 35 წლისაა, ხოლო პეტრა 31-ის.

"მე ვერ ვხედვა დიდ განსხვავებას 89 წელსა და 29 წელს შორის, შენ გაქვს იგივე პრობლემები და იგივე ცხოვრება“, - ამბობს ბერნი.

კითხვაზე, თუ როგორი მამა იქნება ვაჟისთვის, ასე პასუხობს: "არ ვიცი, ალბათ უკეთესი, ვიდრე ადრე ვიყავი, ალბათ, უფრო მეტად მშვიდი“, - ამბობს მილიარდერი.