Ryanair-ის თვითმფრინავი, ბორტზე ბომბის შესახებ წერილის გამო, საგანგებოდ დაეშვა

ავიაკომპანია Ryanair-ის თვითმფრინავმა საგანგებო დაშვება განახორციელა მას შემდეგ, რაც თვითმფრინავის საპირფარეშოში წერილი იპოვეს, სადაც ეწერა, რომ ბორტზე ასაფეთქებელი მოწყობილობა იყო დამონტაჟებული. ამის შესახებ ინფორმაციას BBC ავრცელებს.

თვითმფრინავი კრაკოვი-დუბლინის რეისს ასრულებდა, თუმცა ბრიტანეთის სთანსთედის აეროპორტში გადაამისამართეს, რათა პოლიციის თანამშრომლებს შეემოწმებინათ.

თვითმფრინავი აეროპორტამდე დიდი ბრიტანეთის სამხედრო საჰაერო ძალების ორმა თვითმფრინავმა მიაცილა. შემთხვევა ორშაბათს მოხდა. თუმცა, ამის შესახებ დღეს გახდა ცნობილი.

პოლიციის განცხადებით, ბორტზე საეჭვო ვერაფერი აღმოაჩინეს. ამის მიუხედავად, დაკავებულია ორი მამაკაცი, რომელთა ასაკია 26 და 47 წელი.

თვითმფრინავიდან ყველა მგზავრი უსაფრთხოდ ჩამოვიდა.