კორონავირუსის 2 ახალი შემთხვევა და 10 გამოჯანმრთელებული - stopcov.ge-ს ახალი მონაცემები

საქართველოში კორონავირუსის 2 ახალი შემთხვევა გამოვლინდა და ჯამში, ინფიცირებულთა რაოდენობა 1006-მდე გაიზარდა.

რაც შეეხება გამოჯანმრთელებულებს, ვირუსისგან 10 პაციენტი განიკურნა. stopcov.ge-ს სტატისტიკური მონაცემებით, ქვეყანაში კორონავირუსისგან გამოჯანმრთელებულთა რიცხვი 883-მდე გაიზარდა.

კორონავირუსით ქვეყანაში 15 პაციენტი გარდაიცვალა.

უცხოეთიდან სამკურნალოდ გადმოყვანილია საქართველოს 31 მოქალაქე. კარანტინის რეჟიმში 5640 მოქალაქე იმყოფება, სტაციონარში მეთვალყურეობის ქვეშ კი - 244 პირი.