ავტორი:

"საქართველო ხანგრძლივად დასარჩენად დისტანციურად მომუშავე უცხოელებს იწვევს...ის შეიძლება თქვენი ახალი ოფისი გახდეს“ -  Insider.com

"საქართველო ხანგრძლივად დასარჩენად დისტანციურად მომუშავე უცხოელებს იწვევს...ის შეიძლება თქვენი ახალი ოფისი გახდეს“ -  Insider.com

"საქართველო ხანგრძლივად დარსარჩენად დისტანციურად მომუშავე ვიზიტორებს იწვევს", - ამ სათაურით აქვეყნებს სტატიას insider.com. სტატიის ავტორი წერს, რომ საქართველო არის ქვეყანა, რომელიც სავსეა ყველაფრით და ახლა, შესაძლოა, მსოფლიოს სხვადასხვა კუთხეში მცხოვრები ადამიანებისთვის ოფისად იქცეს.

"საქართველო, ქვეყანა, რომელიც სავსეა ყველაფრით, დაწყებული შუა საუკუნეების ციხესიმაგრეებით, დამთავრებული მთებითა და კლდოვანი პლაჟებით. მისი მრავალფეროვანი პეიზაჟები, შესაძლოა, თქვენი ახალი ოფისი გახდეს.

ქვეყანაში აცხადებენ, რომ მიესალმებიან დიდი დროით დამრჩენ ვიზიტორებს, რომლებსაც შეუძლიათ დისტანციურად იმუშაონ საქართველოდან. პროგრამა ქვეყნის საზღვრების გახსნის გეგმის ნაწილია და მისი მიზანია ტურიზმის ინდუსტრიის მხარდაჭერა, რომელიც კორონავირუსის პანდემიის გამო განადგურებულია", - ვკითხულობთ სტატიაში.

გამოცემის ცნობით, დაინტერესებულ პირებს დასჭირდებათ შეავსონ შესაბამისი განაცხადი და წარადგინონ დოკუმენტები.

"ეს მოიცავს სამოგზაურო დაზღვევას, სამუშაოს სერტიფიკატს და პირად ინფორმაციას. ჩამოსვლისთანავე ვიზიტორს 14 დღის განმავლობაში კარანტინში გადაიყვანენ, რომლის ხარჯებიც თავად უნდა დაფაროს", - წერს insider.com.

სტატიაში აღნიშნულია, რომ ჯერჯერობით ოფიციალური ფორმა, რომლის შევსებაც საქართველოში ხანგრძლივად დარჩენის მსურველს მოუწევს, არ არსებობს, თუმცა გამოცემას ეკონომიკის სამინისტროს ვებ-გვერდი აქვს მითითებული და წერს, რომ მსურველებს შეუძლიათ განახლებულ ინფორმაციას აღნიშნულ საიტზე გაეცნონ.

გადაუღებელი წვიმა, გარესამყაროს მოწყვეტილი ადამიანები, დაზიანებული გზები და ხიდები - ლენტეხი სტიქიას ებრძვის (ფოტო და ვიდეომასალა სტიქიის  ზონიდან)

საქართველოში კორონავირუსის 15 ახალი შემთხვევა გამოვლინდა, გამოჯანმრთელებულთა რიცხვი კი 20-ით გაიზარდა

"ეს იყო ადამიანი-დღესასწაული,  ყველას იმედი და საყრდენი!" - ვინ იყო ქართველი ბიზნესმენი, რომელიც უკრაინაში კორონავირუსით გარდაიცვალა