გარდაცვლილი თამარ ბაჩალიაშვილის ბიძა: "კომპიუტერზე დადებული პაროლი ჯერ კიდევ ვერ გახსნეს"

გარდაცვლილი 23 წლის პროგრამისტის, თამარ ბაჩალიაშვილის ბიძამ კობა თამაზაშვილმა "ტვ პირველთან" განაცხადა, რომ მისი ინფორმაციით, დღემდე არ არის ამოღებული სატელეფონო ზარებზე ინფორმაცია და ასევე არ არის გახსნილი გოგონას სამუშაო კომპიუტერი. "კომპიუტერზე დადებული პაროლი ჯერ კიდევ ვერ გახსნეს, არ იხსნება. გამოძიებასთან გვაქვს ერთი მოთხოვნა, ყველაფერი ჩატარდეს სამართლიანად და დროულად, რადგან რაც დროს გადის, მით მეტი კითხვა გვიჩნდება“, - განაცხადა კობა თამაზაშვილმა.

შეგახსენებთ, 18 ივლისს გაუჩინარებული 23 წლის თამარ ბაჩალიაშვილი 5-დღიანი ძებნის შემდეგ საკუთარი ავტომანქანის უკანა სავარძელზე გარდაცვლილი მწყემსმა იპოვა. მანქანა გაშლილ ადგილას, თეთრიწყაროს ტყეში, სოფელ მაწევნის მიდამოებში იდგა.

• "თამუნა იქ ვიღაცამ დაიბარა" - რას ჰყვება გარდაცვლილი 23 წლის გოგონას ბიძა?

• "ვეკითხებოდი, რა დაგემართა, შვილო, იქნებ, რამეში დაგეხმარო - მეთქი, ტიროდა ბავშვი, არ მეუბნებოდა“ - რას ითხოვს გარდაცვლილი პროგრამისტის მამა?