ავტორი:

ათენიდან სპეციალური რეისით საქართველოში 180 მოქალაქე დაბრუნდა

ათენიდან სპეციალური რეისით საქართველოში 180 მოქალაქე დაბრუნდა

საქართველოს ხელისუფლება უცხოეთში მყოფი საქართველოს მოქალაქეების სამშობლოში ეტაპობრივი დაბრუნების პროცესს განაგრძობს, - ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.

მათივე ცნობით, ქუთაისის საერთაშორისო აეროპორტში სპეციალური რეისით ათენიდან სამშობლოში 180 ადამიანი დაბრუნდა. მგზავრებმა აეროპორტშივე გაიარეს სამედიცინო შემოწმება, რომლის შემდეგაც სპეციალური ავტობუსებით საკარანტინო სივრცეებში გადაიყვანეს, სადაც ისინი 14 დღიან სავალდებულო კარანტინს გაივლიან და 24-საათიანი სამედიცინო მეთვალყურეობის ქვეშ იქნებიან.

კორონავირუსის გავრცელების საპრევენციო ღონისძიებების ფარგლებში, მთავრობის საკოორდინაციო საბჭოს გადაწყვეტილებითა და მთავრობის დადგენილებით, ეკონომიკის სამინისტროს ტურიზმის ეროვნულმა ადმინისტრაციამ საქართველოს მასშტაბით ამ დროისთვის 105 სასტუმროში საკარანტინო სივრცეების მოწყობას გაუწია ორგანიზება. დღეისათვის საკარანტინო სივრცეებში 6381 - მდე ადამიანია განთავსებული.

ვის და რატომ უჩივის ბიძინა ივანიშვილი - რას წერს Bloomberg-ი?

ინფორმაცია თურქეთში სამუშაოდ წასვლის მსურველთათვის - როდის მოგიწევთ კარანტინის გავლა და რა საბუთის წარდგენა დაგჭირდებათ

თბილისში პარკირების წესების დარღვევისთვის ჯარიმები იზრდება, წესები კი მკაცრდება