ავტორი:

"რამდენიმე სანტიმეტრიანი პითონია, არც კბილები აქვს და არც - შხამი... გამიზნულად დააპანიკეს ხალხი" - რას ჰყვება დაკარგული პითონის პატრონი

"რამდენიმე სანტიმეტრიანი პითონია, არც კბილები აქვს და არც - შხამი... გამიზნულად დააპანიკეს ხალხი" - რას ჰყვება დაკარგული პითონის პატრონი

ცხოველთა მონიტორინგის სააგენტოს თანამშრომლებმა თბილისში გაქცეული პითონი დაიჭირეს და პატრონს დაუბრუნეს. შემთხვევა გუშინ გლდანში მოხდა.

მეპატრონემ სააგენტოს ცხელ ხაზზე დარეკა და უთხრა, რომ "პითონი გაექცა", რის შემდეგაც ადგილზე საპატრულო პოლიცია, მაშველები და ცხოვრელთა მონიტორინგის სააგენტოს თანამშრომლები მივიდნენ. როგორც ცნობილი გახდა, ძებნის დროს საჭირო გახდა მოსახლეობის ევაკუაცია.

გაურკვა, რომ პითონის მეპატრონე გიორგი კინოიანია. მან AMBEBI.GE-სთან ქვეწარმავლის გაქცევის დეტალებზე ისაუბრა. კინოიანის თქმით, პითონთან დაკავშირებით არასწორი ინფორმაცია გავრცელდა, რაც, მისი აზრით, საზოგადოებიაში პანიკის გავრცელებას ისახავდა მიზნად.

"ეს გველი არის სულ რამდენიმე სანტიმეტრიანი პითონი. ახლა ხუთი თვის არის და ამიტომ არის ჯერ ასე პატარა. ზრდასრული 7 მეტრამდეც იზრდება. გველს არ გააჩნია არც კბილები და არც შხამი. შესაბამისად? არ არის საშიში არავისთვის.

თბილისში გავრცელებული გიურზები გაცილებით საშიშია, ვიდრე ეს გველი. ძალიან მიყვარს ცხოველები. ეს გველი ცოტა ხნის წინ ზოომაღაზიაში შევიძინე და ჩემს კაბინეტში ტერარიუმში ცხივრობდა. საჰაერო იყო ღია და იქედან გამოძვრა, როგორც ჩანს. მეგონა, დავკარგე და ამიტომ დახმარების მიზნით მივმართე ცხოველთა მონიტორინგის სააგეტოს.

ვაჩვენე მათ ვიდეო და დარწმუნდნენ, რომ საშიშროება არ არსებობდა. მიუხედავად ამისა, ისეთი პოსტი დაწერეს, თითქოს გამიზნულად სურდათ საზოგადოების პანიკაში ჩაგდება. მათი გავრცელებული პოსტი იყო ფარსი, თითქოს ეს იყო კაციჭამია გველი.

რომ არ მცოდნოდა ჩემს გველზე იყო საუბარი, მეგონებოდა ფილმებში რომ არის, კორპუსების მჭამელი გველეშაპები. სამართლიანად უნდა აღვნიშნო, რომ ძალიან დამეხმარნენ გველის მოძებნაში. მე ვიპოვე უშუალოდ. ოთახში იყო დამალული და თავისით გამოვიდა. ახლა ჩემთან არის და რომ გაიზრდება, შემდეგ ვიფიქრებ რა ვუყო ამ გველს, ზოოპარკში წავიყვანო თუ სად" - ამბობს გიორგი კინოიანი.

"ნაცემი და თავგატეხილი პაპა გულგრილად უყურებს ახორხოცებულ მწვანე კაცუნებს" - კადრი 2008 წლის ომიდან

"ბაჩანა ლობჟანიძე ძალიან უცნაურად გამოჩნდა, ZAG-საც წერდა, თამუნაზე ინფორმაცია აინტერესებდა" - კომპანიის იურისტი

რას წერს რუსული მედია "აგვისტოს ომზე" და როგორ აფასებენ 12 წლის წინანდელ მოვლენებს