გარდაბანში სოფლის რწმუნებულმა მასთან დახმარების სათხოვნელად მისული მოქალაქე სცემა - ინციდენტის შემდეგ მურადოვს თანამდებობა დაატოვებინეს
გარდაბნის რაიონის სოფელ კალინინოს რწმუნებული ილგარ მურადოვი ადგილობრივ მოქალაქეს ფიზიკურად გაუსწროდა. შემთხვევა იმ დროს მოხდა, როდესაც მოქალაქე აზერ ბაირამოვი 4 მცირეწლოვან ძმისშვილთან ერთად მასთან დასახმარებლად მივიდა.
ბაირამოვი "მთავარ არხთან" საუბრისას ჰყვება, რომ დახმარება რწმუნებულს მანამდეს სთხოვა, თუმცა უშედეგოდ. მას დაზიანებები სხეულზე აღენიშნება.
"ვუთხარი, ეს ბავშვები მშივრები არიან. როგორი მთავრობა ხარ, მიხედეთქო. მე, როგორც ბიძა ვერ ვეხმარები და თქვენ მიხედეთთქო. გაბრაზდა, მოვიდა, შენ საჩხუბრად ხარ მოსულიო და ხელი დამარტყა" - ამბობს ბაირამოვი.
მომხდარის შემდეგ დაზარალებულმა მოქალაქემ პოლიციას მიმართა. როგორც ის ამბობს, ილგარ მურადოვის დასჯას ითხოვს.
AMBEBI.GE-ს ინფორმაციით, ინციდენტის გამო ცოტა ხნის წინ გარდაბნის რაიონის სოფელ კალინინოს რწმუნებული დაკავებული თანამდებობიდან გაათავისუფლეს.
"სიმართლის დასადგენად ერთი აგური დაიდო, FBI-ს ვენდობი" - თამარ ბაჩალიაშვილის დედა
"რა კომენტარი უნდა გავაკეთო, მკვდარი ვარ ადამიანი" - რა თქვეს ნინო ქადაგიძემ და გოგლა ჟვანიამ სასამართლოს გადაწყვეტილების შემდეგ
