"ლისზე ყოფნისას მითხრა, მომწყინდა დაბადების დღის შინ აღნიშვნაო" - რას ყვება ბიჭი, რომელიც ამტკიცებს, რომ თამარ ბაჩალიაშვილის შეყვარებულია?

ბაჩანა ლობჟანიძემ, რომელიც აცხადებს, რომ გარდაცვლილი პროგრამისტის, თამარ ბაჩალიაშვილის შეყვარებულია, "პალიტრავიდეოსთან" ისაუბრა იმაზე, თუ რა ურთიერთობა ჰქონდა მას გარდაცვლილ გოგონასთან. ბაჩანა ლობჟანიძემ მასთან ერთად გატარებული, უკანასკნელი დაბადების დღეც გაიხსენა.

"მისთვის არანაირი ნეგატიური ფონი არ შემიმჩნევია. თამარის დაბადების დღე ერთად აღვნიშნეთ, ბევრ რამეზე ვსაუბრობდით, მხიარულად იყო... ვუთხარი ლისზე წავიდეთ-მეთქი, თავიდან კი თქვა, - ცოტა შორიაო, მაგრამ ბოლოს მაინც წამოვიდა თავის მანქანით, ნუცუბიძის პლატოსთან მიცდიდა და ერთად ავედით. როცა ლისზე ავედით, იქ ბევრ თემაზე ვსაუბრობდით, მისთვის რაიმე უცნაური არ შემიმჩნევია, ერთი რამ მინდა დავაზუსტო, ჩვენ წინა წელსაც გვინდოდა ასე აღგვეღნიშნა მისი დაბადების დღე, მაგრამ ვერ მოვახერხეთ, მეც სხვაგან ვიყავი, თამარსაც არ ეცალა. ლისზე ყოფნისას მითხრა, მომწყინდა დაბადების დღის შინ აღანიშვნა, მამაპაპური სადღეგრძელოები, ისეთი ნათესავების მოსვლა, რომლებიც მარტო დაბადების დღეზე მოდიანო... ეს წინა წელსაც მითხრა და წელსაც. მისი ინიციატივა იყო, ერთად აღგვეღნიშნა დაბადების დღე", - განაცხადა ბაჩანა ლობჟანიძემ.

ნახეთ ვიდეო

• იხილეთ ასევე: "შეიძლება ჩემზე "საქმეს კერავენ" - ბიჭი, რომელიც თავს თამარ ბაჩალიაშვილის შეყვარებულს უწოდებს, შვედეთისთვის თავშესაფრის თხოვნას გეგმავს