ავტორი:

"ვაქცინის ფართომასშტაბიან წარმოებას მალე დავიწყებთ“  - პუტინი აცხადებს, რომ რუსეთმა კორონავირუსის საწინააღმდეგო ვაქცინა დაამტკიცა

"ვაქცინის ფართომასშტაბიან წარმოებას მალე დავიწყებთ“  - პუტინი აცხადებს, რომ რუსეთმა კორონავირუსის საწინააღმდეგო ვაქცინა დაამტკიცა

"რუსეთი პირველი ქვეყანაა მსოფლიოში, რომელმაც COVID19-ის ვაქცინა ფართო მოხმარებაში შემოიტანა" ,- dailymail-ი რუსეთის ფედერაციის პრეზიდენტის, ვლადიმირ პუტინის ბოლო საჯარო განცხადებას ციტირებს.

"ვადასტურებ, რომ ვაქცინა ეფექტურია, აძლიერებს იმუნიტეტს. მან ყველანაირი ტესტირება დამაკმაყოფილებლად გაიარა. ვაქცინის ფართომასშტაბიან წარმოებას მალე დავიწყებთ“ - განაცხადა რუსეთის პრეზიდენტმა.

სამთავრობო შეხვედრაზე, სადაც მედიაც მიწვეული იყო, პუტინმა განმარტა, რომ რუსეთის სახელმწიფო კვლევითი დაწესებულება - გამალეიას ინსტიტუტი შედეგებით კმაყოფილია. აქამდე მეცნიერები და მედიკოსები აღნიშნული ვაქცინით იცრებოდნენ, თუმცა ფართო მასშტაბით გამოყენებისგან თავს იკავებდნენ.

პროტოკოლი ტესტირების მესამე ეტაპის დაწყებას ითვალისწინებს. რუსეთის ჯანდაცვის სამინისტრო ათასობით მოხალისეს აცრის.

მსოფლიოში COVID19-ის საწინააღმდეგო 10-ზე მეტი ვაქცინის ტესტირება ჩატარდა. საბოლოო შედეგით, ყველაზე ეფექტური ოთხი მათგანი აღმოჩნდა, რომელთა გამოცდა ჯერ არ დასრულებულა.

აღსანიშნავია ისიც, რომ რუსეთი ერთ-ერთი პირველი ქვეყანა იყო, რომელმაც კორონას ვაქცინის შექმნის შესახებ განცხადება გააკეთა.

ჯანდაცვის მსოფლიო ორგანიზაციამ პანდემია 2020 წლის 11 მარტს გამოაცხადა. ჩინეთში ახალი კორონავირუსით გამოწვეული პნევმონიის აფეთქება 2019 წლის დეკემბერში დაიწყო. წყარო

თეონა რამაზაშვილი

საუდის არაბეთის პრინცესა აღმოსავლურ სრანდარტებს ანგრევს - ვინ არის დინა აბდულა, რომელიც Vogue-ს მთავარი რედაქტორი იყო

"თუ გოგონა მომწიფებულია, შეიძლება ძალით გაათხოვონ" - სომალი არასრულწლოვანთა იძულებით ქორწინებას აკანონებს

15 წლის ავღანელმა გოგონამ შინ შეჭრილი თავდამსხმელები დახოცა:  ვის ესროლა ნურიამ - თალიბან მებრძოლს, საკუთარ ქმარს თუ ორივეს?