"ჩემთვის არანაირი მნიშვნელობა არ აქვს რომელი ნომერი ვიქნები" - გახარია არ უარყოფს, რომ "ოცნების" სიაში იქნება

პრემიერ-მინისტრმა გიორგი გახარიამ ქუთაისში, ტექნოლოგიურ უნივერსიტეტის დათვალიერების შემდეგ, არაერთ საკითხზე გააკეთა კომენტარი, მათ შორის უპასუხა კითხვას, იქნება თუ არა ის "ქართული ოცნების" სიის პირველი ნომერი.

"ჩემთვის არანაირი მნიშვნელობა არ აქვს რომელი ნომერი ვიქნები. მერწმუნეთ, რომ ამით არ არის განსაზღვრული ის ძალისხმევა, რომლითაც მე ვიბრძოლებ ამ გამარჯვებისთვის უახლოესი თვეების განმავლობაში“, - განაცხადა გიორგი გახარიამ.

მისი თქმით, ამ ეტაპზე პირველი ათეული ცნობილი არ არის.

"ჯერ პირველი ათეული ცნობილი არ არის. ზოგიერთებს რომ ეჩქარებათ, ჩვენ საქმე გვაქვს გასაკეთებელი და მაგასაც მოვასწრებთ. ჩემთვის არანაირი მნიშვნელობა არ აქვს რომელი ნომერი ვიქნები. მერწმუნეთ, რომ ამით არ არის განსაზღვრული ის ძალისხმევა, რომლითაც მე ვიბრძოლებ ამ გამარჯვებისთვის უახლოესი თვეების განმავლობაში. პირველი ვიქნები თუ ბოლო ნომერი, ამას არანაირი მნიშვნელობა არ აქვს“, - განაცხადა გახარიამ.

შეგახსენებთ ამ ცოტა ხნის წინ ambebi.ge-ს სარწმუნო წყარომ მიაწოდა ინფორმაცია, რომ გახარია სიაში პირველი, ხოლო ირაკლი კობახიძე მეორე ნომერი იქნება.