ავტორი:

"ერთმანეთს უფრო მეტად მივეჩვიეთ... ჩვენს ურთიერთობაში სიტყვები ზედმეტი იყო" - ჩცდ-ს მსახიობები დაქორწინებას აპირებენ

"ერთმანეთს უფრო მეტად მივეჩვიეთ... ჩვენს ურთიერთობაში სიტყვები ზედმეტი იყო" - ჩცდ-ს მსახიობები დაქორწინებას აპირებენ

სერიალ "ჩემი ცოლის დაქალების" გმირები გიორგი ტაბიძე და ნინა ლორთქიფანიძე დაინიშნენ. მათი გმირები სანი და ელენე სერიალში შეყვარებულებს თამაშობდნენ და როგორც ჩანს, ეს ურთიერთობა რეალობაშიც გაგრძელდა.

"თითქოს ერთ ადამიანთან რაღაც იწყება, მაგრამ ჯერჯერობით, ღიად მაინც ვერ ვისაუბრებ, რადგან რაღაცებში დარწმუნებული თავადაც არ ვარ. თუმცა შეიძლება, საინტერესო ურთიერთობა გამომივიდეს..." - ამბობდა გიორგი ტაბიძე რამდენიმე თვის წინ.

ჟურნალ "გზისთვის" მიცემულ ინტერვიუში კი ნინა ლორთქიფანიძე აცხადებდა, რომ ის და გიორგი დიდი ხანია იცნობენ ერთმანეთს. გთავაზობთ ამონარიდს ინტერვიუდან:

- წლებია მე და გიორგი ერთმანეთს ვიცნობთ, მაგრამ ახლო მეგობრები არასდროს ვყოფილვართ. სერიალმა უფრო დაგვაახლოვა. თეატრალურში ჯგუფელები ვიყავით, შემდეგ მე აკადემიური წელი ავიღე, ამიტომ გიორგიმ ჩემზე ადრე დაამთავრა.

- თქვენი სიყვარულის ამბავი როგორ დაიწყო?

- ყველაფერი თავისთავად და ძალიან ბუნებრივად მოხდა. სერიალის გადაღებებზე ერთმანეთს უფრო მეტად მივეჩვიეთ, მეტი ურთიერთობა გვქონდა. მერე სოციალურ ქსელში მიწერები, საერთო სანაცნობო წრეში შეხვედრები და… ჩვენს ურთიერთობაში სიტყვები ზედმეტი იყო, ერთმანეთისადმი გრძნობა ბუნებრივად ჩამოგვიყალიბდა.

- გიორგიც რომანტიკოსია?

კი, მაგრამ მგონია, მე მეტად რომანტიკოსი ვარ. რიგ საკითხებზე ერთნაირი შეხედულებები გვაქვს, ერთმანეთის კარგად გვესმის, ეს სასიამოვნოა.

- თქვენი გრძნობები, გადასაღებ მოედანზე თამაშში გეხმარებათ?

- ორივეს გვეხმარება, არადა, ბევრი წყვილისგან გამიგია, რომ შეყვარებულებს ერთად თამაში უჭირთ. გიორგის გვერდით მეტად გახსნილი, თავდაჯერებული ვარ. სანამ კამერები ჩაირთვება, გავდივართ და რიგ სცენებს ერთად განვიხილავთ, აზრებს ვცვლით.

16 აგვისტოს გიორგიმ ნინას ხელი სთხოვა და გოგონასთან თანხმობა მიიღო.

მართალია, წყვილის "ლავსთორის" შესახებ ცნობილი იყო, თუმცა თაყვანიმცემლებისთვის მაინც მოულოდნელი აღმოჩნდა.

გიორგისა და ნინას წყვილი პირველი არ არის, რომლებმაც სერიალში ერთმანეთი იპოვეს. "ჩემი ცოლის დაქალებში“ დაქორწინდნენ ილო ბეროშვილი და ანი ბებიაც და წყვილს უკვე საერთო შვილი ჰყავთ.

თუმცა სერიალის განმავლობაში დანგრეული ოჯახებიც გვახსოვს. გიორგი ბოჭორიშვილისა და ეკა დემეტრაძის ოჯახური წყვილი, წლების წინ შემოუერთდა სერიალს. თუმცა მათი ოჯახი სწორედ სერიალის მიმდინარეობისას დაინგრა და ცალ-ცალკე სიყვარული იპოვეს.

"გამელოტებული კაცის ვარცხნილობა აქვს და ქარი ხან მარჯვნიდან უქიქინებს თავზე, ხან - მარცხნიდან" - გაიცანით თბილისის ზოოპარკის ახალი ბინადარი

"მიდი, ჯაფარ, ძმაო..ვინ დაგიშალა?" - კახა კალაძის კომენტარი ზურაბ ჯაფარიძეს, რომელიც თბილისის მერს ფეხბურთის საყურებლად მუშტაიდში იწვევს

ძუჰაცუ: "უბრალოდ, ავიღე ჩანთა და "ავორთქლდი" - კომპანიები იაპონიაში, რომლებიც ადამიანებს გაუჩინარებაში ეხმარებიან